حاولت الإنتحار بسبب خجلي الاجتماعي

السلام عليكم أنا مو عارفه اذا انا بحاجه لطبيب نفسي وكيف راح اتصرف ... بإختصار انا خجوله اجتماعيا ومن خجلي كنت باكل الأكل بحمامات الجامعه والمدرسه حتى وأنا طالبة دراسات عليا وكل ما أروح على مقابلة عمل بروح مني الشغل لانه انا شخصيه جامده وخامله دائما هيك بحكولي أرباب العمل انه انا عندي افكار حلوه وذكيه وابداعيه وبيعطوني فترة تجريب لكن لاني ما بتفاعل مع زملاء العمل وعندي هدوء مطقع بيرفضوني من العمل وضعيفه ومعنديش صديقات وعندي عادة نكوص كثير حاولت اتخلص منها لكن عبث من لما انولدت لهلا وهي معي وكل حدا بيعرفني بينتقدني عليها ... دائما لحالي وبعطي تعليقات سلبيه وشخصيه كئيبه ومزاجيه وفقدت كثير أشخاص بسبب هالشيء .. خبرت اهلي انني بحاجه لطبيب نفسي لأحكيله عن سبب هالضعف والكئابه ويقدر يطلعني من عزلتي وسلبيات حياتي ولكن خجلانه اطلب بابا مصاري او حتى بابا شخصيه عصبيه وبقبلش اني اروح ع طبيب نفسي ... كانت لي محاولة انتحار بائت بالفشل ولهلا وانا بدعي الله ياخد روحي لانني عايشه هيك .. هباء منثورا .. شو لازم اعمل