اكتفيت من خذلان الناس

السلام عليكم بداية بتكلم عن نفسي  انا انسانة مضحية كثيرة واحاول ارضي الناس واحب اسعدهم حتى لو على حساب نفسي وراحتي ومن هالتضحيات الي صارت تركت دراستي مع وحده من صديقاتي ترم لانها تعبت لكن بالنهاية غلطت علي وماعاد كلمتني وانعزلت عن العالم ومع ذلك كلمت الناس الي هي للحين معاهم يغيرون من نفسيتها مع انها سبتني وتوقعت خلاص ماعاد راح نتصالح ابد لكن ماقدرت اطلعها من تفكيري حاولت اكرها لكن ماقدرت وهي الحين ندمانه وانا ماقدر اثق فيها احنا دايم نتهاوش لكن نرجع لبعض بسرعة وهي صديقتي من سنوات لكن هالمشكلة حطمت الثقة وهي احسها محتاجتني واحس اني سامحتها او ماسامحتها مشاعري ملخبطة من ناحية هذا الامر لكن مادري وش اسوي انا عندي صديقات غيرها لكن احس ماقدر بدونها! ما ادري اقدر او ما اقدر زي ماقلت ملخبطة مره واحس هي تقدر تعيش بدوني مع انها اذكى مني بمراحل واجمل مني هذا الشيء احس دايم فيها واقارن بيني وبينها مع ان الكل يشوفون اننا نفس المستوى لكن انل استصغر نفسي لما اقارن بيني وبينها يعني لو استمرت علاقتنا راح اقعد اقارن واتعب نفسيا .. ما ادري هل ارجع لها واحاول انسى او خلاص لان انا ضحيت عشانها كثير وهي ما احس انها ممكن تضحي عشاني دايم تتكلم للناس انها تستغل كل الناس ومماتحب احد ومادري اذا انا مقصودة او لا