بسبب طيبتي كرهت حياتي

اريد ان اعيش فى زمن اخر...الناس ليه بقت وحشة كدة انا مش عارفة اتعامل مع الناس ،كل ما اروح مكان يطلعلى حد يطلع عينى ويعقدنى فى عيشتى،انا تعبت خلاص نفسى اععيش وسط ناس طيبين ونيتهم كويسة وصافية ويحبو الخير لكل الناس،انا عندى ٢٤سنة موظفة ،بتعامل مع ناس كتييير ودى مشكلتى انى مش بعرف اوصل لنفس درجة تفكير الناس فى اللؤم والخبث و الحركات دى فمش بفهم الناس .الناس بقت بتستغلنى وبتخدعنى عشان عارفين انى طيبة مع انى بحاول انى ابقى شريرة علشان ما ييخدعونيش ، يا ريتنى ابقى شريرة علشان اوصل لدرجة تفكيرهم واعرف اتعامل معاهم. انا اتجوزت لواحد من الناس دى وكان بيستغل طيبتى وعدم فهمى ومعرفتى فى الحياه وكان بيفهمنى انه بيحبنى لكن طلع طمعان فى مرتبى وبقى بيضربنى علشان المرتب وغيره وغيره..وكان بيعرف عليا اتنين متجوزين ويكلمهم بالساعات فى التليفون ولمااسمعه ينكر ويزعق ويقلب الموضوع ويلبسنى الغلط ويخلين كمان اعتذر منه ،ده غير انه بيدخل اهله فى مشاكلنا ويقو لى ما تقوليش لاهلك حاجة ،عذاب عذاب عذاب تعبت كل ده علشان سكوتى وخوفى من الطلاق وخراب البيت لاننا كنا لسا عرسان جدد يدوب شهرين جواز .حتى ماكنش عايزنى اخلف دلوقتى عايز نعيش راحتنا شوية وبعدين نجيب ولاد علماانه بيخاف من المسئولية .انا كنت بحبه فبسكت على عمايله .يعنى جوازتى كانت غلط من الاول علشان من عدم خبرتى معرفتش افهمه ،وبعد جوازى معرفتش اتعامل معاه واوقفه عند حده ،ياريتنى كنت قويةوشريرة يمكن فى زماننا ده مينفعش غير كدة والا هننداس. وفى شغلى بيقولو عليا دى طيبة اوى ويبصوا عليا ويضحكوا .انا تعباااانة من الدنيا دى مش عايزة اعيش فيها تانى ،يا ريتنى اعيش فى زمن اخر او ياريتنى لم اولد اصلا. ساعدونى اخرج من اكتئابى.