لا أتحمل أختي الصغرى

حنا عايله مكونه من ٥ اولاد وبنتين مشكلتي الاولى مع اختي الي اصغر مني عمري ٢١ واختي عمرها ١٨ ما اتحملها ابد واذا تكلمت معي اسكتها واهاوشها واركز على اغلاطها ما اتحمل منها شي ابد كاني اكرهها والمشكله هي تتاثر كثير بكلامي وياثر عليها وانا ادري واتحسف بعدين ويضيق صدري واجلس اعاني لاني حزنته وعلى هذا الحال دائم مانصير هادين ونتكلم مثل العالم والناس الا وتصير مشكله وهواش وادري اني غلط بس غصب واخوي الصغير ما يحترمنا ابد ابد لا انا ولا حتى امي ولا احد بالعايله ويصارخ علينا وكاننا حنا الي اصغر منه يعني مثلا لو بساله حليت واجبك قال بصراخ شدخلك بي واسكت وانحرج خصوصا اذا كان بين اخوانيلدرجة الحين اتجاهله مره وما اكلمه اخاف يصرخ علي ويفشلني قدام اخوانيكيف نتعامل معاه وكيف اصير حنونه مع اختي ومع اخوي الي اصغر مني مع العلم انا عانيت كثير بطفولتي من امي وابوي ابد ماحسسوني انهم يحبوني دائم ورا عطائهم شروط والا الان ما اطلب منهم شي الا اذا سويت خدمه لهم للاني تعودت واطلب فلوس من اخوي الكبير ولا اطلب من ابوي مع انه طيب ومايرفض بس احس نفسي زود عليه من يوم كنت طفله ومستحيل اخذ حقي ببيتنا فكيف برا دائم حقي مع غيري وبسرعه اتنازل وشخصيتي شبه ضعيفه وقدام اهلي خصوصا اصير انسانه ضعيفه مره اتقوى لمن اكون بمكان لحالي واخالط الناس بدون اهلي حفلة تخرجي حقت الثانوي كنت احاول اخلي امي ماتروح معي لاني قدامه تضعف شخصيتي وما اصير طبيعيه اعاني بوجوده .