أشعر بالوحدة بعد طلاقي.. لا زوج ولا حبيب

انا تعبانة جدا .انا مطلقة عندى٢٥سنة ،مش عندى اولاد، كان نفسى اعيش حياه زوجية سعيدة مع زوجى لكنه كان بيعاملنى بشكل سئ اهانة وضرب وبهدلة ،طلبت الطلاق واتطلقت .بس انا بردو حزينة عايشة مع والدى ووالدتى واخواتى ولكنى حاسة انى وحيدة ،كان ليا زوج و الان ليس لى حبيب او زوج ،صعب اوى بعد شعورى بالارتباط ارجع ابقى وحيدة غير مرتبطة ، ساعدونى اخرج من وحدتى ،مع العلم انى بشتغل بس بردو بكره شغلى وبالذات بعد الطلاق حاسة انى عايزة استخبى مش عايزة اشوف حد ولا اكلم حد حاسة كانى عاملة مصيبة مش عارفة ليه ،انا فترة جوازى كانت شهر فقط.ارجوكم ريحونى انا بجد تعبااانة.وشكرا لكم.