حالتي النفسيه بسبب خطيبي افقدتني جمال وجهي

هل الحالة النفسية تؤثر على الشكل والجمال وظهور حبوب الوجه، انا بنت جميلة جدا جدا والحمد لله على هذه النعمة وكل من حولى دايما يمدحوا جمالى والحمد لله على هذه النعمة ،اتخطبت لزميل لى فى العمل وكنت فى الاول فى غاية السعادة وبعد كدة بدا يظهر على حقيقته علطول موترنى مش عارفة اتكلم معاه على طبيعتى من غير ما اعمل حساب لكل كلمة وكل حرف.طول عمرى الناس بتقول انى تلقائية جدا وبتصرف على نياتى وطيبة بس هو علطول ميصدقنيش ويكدبنى ويعاتبنى طول الوقت على اى كلمة او تصرف حتى لو مفيهوش حاجة ،بقيت بخاف من رد فعله لما اعمل اى حاجة فوصلنى لدرجة انى مش بعمل حاجة الا لما استاذنه علشان انال رضاه والا هيورينى الوش التانى والعين الحمراء. والله انا مستحملة بس علشان بحبه و ما بتهونش عليا العشرة بسهولة .للاسف اصبحت حياتى كلها توتر وانا مش حاسة لقيت نفسى عايشة بس عشان ارضيه ويا ريت عاجبه ليل نهار انتقادات مع انى بعطيه كل طاقتى عشان اسعده بكل الطرق وبفكر في نفسى بقى عايزة ايه اخر حاجة .توتر ٢٤ساعة ومش بتوقع ردود افعاله فى اى وقت يثور فجاة وده بعد جوازنا ويستمر فى ضربى بشدة وبتعذيب ليا. انا بقى طول الفترة دى من اول خطوبتى وانا وجهى لاول مرة يطلعلى حبوب تملا كل وجهى وبشدة وتختفى يوم وتظهر تانى يوم وكل ما اروح لدكتور يقولى توتر وحزن والموضوع نفسى اول ما تهدى نفسيا هتخفى بس للاسف العيشة معاه ليس بها هدوء نفسى بالمرة كلها خوف وتوتر وقلق.وجهى جربت فيه كل انواع الادوية المخصصة للحبوب فى الدنيا بقالى ٤شهور علطول وجهى مليان وملتهب وبيوجعونى جدا ومش عارفة اخرج من البيت بالمنظر ده ،عمرى ما وجهى حصل له كدة ولا طلعتله حباية واحدة، حتى الدكتورة الاخيرة تعبت معايا واستغربت من استمرار التهابهم بالطريقة دى بالرغم من قوة العلاج اللى اعطتهولى واستعمالى له مدةطويلة.انا حزيينة جدا اشعران جمالى راح بسبب الحبوب لانهم كتييبر جبينى كلها مليانة وخدودى ومغيرين شكلى ومسمرنى ووجهى احسه شاحب جدا و مطفى.وفى الاخر هو زوجى بيتريق عليا علشان الحبوب وبيعايرنى بيهم وبيجرحنى بسببهم كتييير وكمان كل يوم بيعدهم واحدة واحدة ويقولى الحقى فى واحدة طلعت هنا وفى واحدة قربت تخف من هنا.اااااااه معاناتى كبيرة والله ،اعمل ايه ارجوووووكم ساعدونى.جزاكم الله خيرا.