أريد أفكار لتغيير حياتي وتحقيق طموحاتي

أعاني من مشكلة الفراغ , حياتي روتينه بحته , مدرسة و نوم و اكل و جلسه على الجهاز , صار يجي لي وسواس اني عاهه على المجتمع , ومال اي قيمة في هذي الحياه .لما نفكر بعمق شنو هذي الحياه اللي اهتماماتنا فيها كله مجرد أمور تافه ماتساوي اي قيمة , و لما اقرر اتابع فديوهات تغير من الشخصيه وتفكيرها كلهم يقولون نفس الكلام كتبي اهدافك وطموحاتك ونفذيها , طيب انا مو عارفتهم علشان احققهم , اللي احتاجه امثله على امور اسويها .اشياء تخليني اصحى الصباح وانا متحمسه علشان انجزه , ما ابي انام علشان اخلصها , ولما اقرر انام ماتكون النومه اللي انامها بس لانه فيني نوم , ابي انام علشان ارتاح شوي لانه في شغلات بساعد فيها العالم , في ناس تحتاج اعطيها من وقتي .جتني حالة اكتئاب صرت اسأل اللي حولي شنو انجازاتكم ؟ شنو الشيء اللى تفتخرون فيهم ؟ كان اجابتهم كلها مستقبليه او بعضهم كان يدور اي اجابه علشان بس مايبين ان تافه , أقلبهم كانت إجابتهم بصير دكتوره بصير مهندسه و و و , شيء حلو لكن ليش بس نفكر بالمستقبل ليش مانسوي شيء نفتخر فيه ان سويناه وخلصناه , ونفتخر ان بنسوي هذي السنه , ونفتخر ان بنسوي في سنين جديده , يعني بالاصح امور تفتخري فيها انك سويتها بالماضي وبالحاضر وبالمستقبل , مايكفي المسقبل بس , يعني مثلاً انا عمري 18 سنه عمري ضاع وانا اقول لما اكبر بصير كذا , انزين والحين , صرت استحي من نفسي وصلت لمرحله من هذا العمر وانا ماسويت شيء افتخر فيه .حاولت اكتب اللي اقدر انجزه لكن وللاسف الكسل مصيطر علي كلياً , لاني تعودت على الروتين وصار صعب علي اتغير , كل ما قررت اتغير الكسل سوى لكل شيء ستووووووب .ولما افكر فيها بمنطق الاشياء اللي كتبتها كانت مجرد تمشية حال علشان كذا مافي دافع يخليني اكسر حاجز الكسل اللي احتاجه منكم افكار تخليني شخص مهم , افكار انجزها للمجتمع , ابي افكار تخليني اجاوب على سؤال شنو سويتي بالحياه ؟ابي افكار تخليني اصحى الصباح علشانها, افكار اسهر الليل علشان انجزها , ياليت تعطوني من وقتكم وخبرتكم ولو شوي .