بين أمي وطموحي وزواجي من ابن عمي!

أنا بنت عمري ٢١ من الدمام ،انخطبت قريب من ولد عمي ، بس مارتحت له مع انهم يقولون ذو خلق ودين ، بس ما أبيه ، وأمي وأبوي يقنعون فيني ، أبي خلص يأس مني ، بس أمي صارت تستخدم أساليب تكسر بخاطري وتقول لي من أنتِ عشان ترفضين بنت السلطان! و ليه أنت ملكة جمال عشان ترفضين! (بالرغم من أني جميلة بس مو ملكة جمال) ومحد بيجيك بعده وبتعنسين وخواتك إللي أصغر منك بيتزوجون وأنتي بتقعدين عندنا ، وأنتي شايفة نفسك ومادية (وأنا ماتكلمت عن مال الخاطب ! بس قلت أنو مو مثل شهادتي التعليمية أقل مني وماعنده طموح عشان يطور من نفسه وأنا مرررررررره طموحه طموحه بزيادة وهو محدود التفكير وتقليدي يعني حياته ممله أنا ما أبيها) وشوفي بنت فلان تزوجت واحد أقل منها بالتعليم و بنت فلان وبنت فلان ، وانا عندي خطط و أحلام لمستقبلي و أكره العادات والتقاليد اللي مالها معنى مثل البنت ماتتزوج إلا ولد عمها ، أو ماتتزوج من برى القبيلة ومن هذا الكلام ، الله يسامح أمي على كلامها ، بس دخلت بحالة إكتئاب من كلامها و خارت قواي وطموحي وأحلامي ، صرت أفكر بالزواج منه وأشوف وش اللي لازم أتنازل عنه ، وصرت أبكي من القهر . ووالله إني أواجه أمي بالدين وأقولها أنتي ليه عندك سوء ظن بالله وتفكرين أنو محد راح يخطبني وترد علي وتقول لأنه هذا الواقع وأنا خبرتي بالحياة أكثر منك ، عندي أمل بربي كثير ومستخيرة ولله الحمد بس أيش أسوي ؟ مابي أصير متشائمة ، ومابي أتنازل عن أحلامي وطموحي اللي بنيتها من وأنا صغيرة عشان بس اتزوج ويصير عندي أولاد و أنا أصلاً مو مستعجلة على الزواج ، تكفون قولوا لي أيش أسوي ، لحد يسفهني بليز .