أخاف من الرجال والزواج

مشكلتي نخاف من الزواج والرجال نحشم بزاف لدرجة كي يهدر معايا راجل عينيه في عينيا نولي نترعد من الحشمة والخوف وهذا بما يخص الراجل كزوج او خطيب بصح صديق مثلا في الجامعة نهدر عادي مانيش معقدة ونضحك ونتمسخر كللش عااااادي بصح كي يجي خاطب يقولولي أومرات يهدر معايا مباشرة يقللي نقابل والديك نخاااف ونتلبك ونحس جزار واقف قدامي والحاجة لي مخوفتني هي ليلة الزواج نتمنى فهمتوني مرعووووبة منها وراح نموت منتصورش نتكشف على راجل كيفاااش نتجاوب معاه والألم تاني كيفاش نتحملوا خايفة منه راح نموت كيفاش نهار ندخل معاه غرفة وحدنا راسي وراسه ياربي كيفاااه والله كارهة الزواج احيانا تجيني احوال نشتاق نكون اسرة و نقول ربي يرزقني زوج صالح ونتزوج ونحب زوجي ونكون زوجة صالحة وووو بصح انا نتفكر اول ليلة وانا نتراجع على كللش ونحس برعب كبير زد على ذلك راه بالاك جامي قابلتوا وحدة كيفي راني حالة خااااااصة معنديش خبرة كليا في الرجال كيما قلتلكم خجولة ومانعرفش نحكي معاهم ونداصر وندير خفة الدم كيما علابالكم كاين بنات يطيييييروا تلقايها تهدر مع الراجل لبرا نشوفهم وعينيها راح يلصقوا في عينيه انا ماشي هك جامي صاحبت وجامي واحد مسلي حتى يدي وجامي درت حبيب وعشت مشاعر الحب عايشة منعزلة خايفة الراجل لي نعرفوا يمل مني يقول واش السامطة هادي لي طيحني ربي فيها ويندم عليا كلمة حبيبي جامي خرجتها من فمي مانعرفش نقولها الحالة هادي عندي من بكري وكنت نقول كي نكبر نتبدل بصح راني 25 سنة لوقتااااش نشوف في لبنات 20 وحتى 19 لاهبين على الزواج والرجال وانا مرا قدي كل مرة نهرب من الخاطب ساعدوني