أعيش مع هذا الورم دون أن أخبر أحد

عمرى 20 سنة و متدينة و مرحة و بحب عيلتى و زمايلى فى الجامعة و كلهم بيحترمونى و بيحبونى مشكلتى بدات من اليوم اللى لقيت فيه كتلة غريبة فى صدرى كنت فى نفس المكان الى كان عند جدتى الله يرحمها المهم روحت عملت الفحوصات طلع معايا ورم بس من لطف ربنا انه طلع حميد و مش محتاج كيماوى المهم من وقت اللى عرفت بموضوع الورم و انا الحمد لله محتسبة عند ربنا و مش زعلانة ابدا بس مش عارفة اواجه اهلى ازاى و كمان كل ما يتقدملى حد برفضه و حججى بقت مش مقنعة و انا مش حابة انه حد يرتبط بيا من باب الشفقة وغير كده انا نفسى اكون ام جدا شعور الامومة حاساه هيقتلنى نفسى اسمع كلمة ماما جدا ومش عارفة هل ممكن ده مع الورم بتاعى ؟؟