خجول جدا لدرجة المرض

سبحان الله يا صديقي ما زلت الحين اقرأ منشور على الفيس بوك لشخص كان يعاني من نفس مشكلتك والحين هو متحدث امام جماهير كبيرة لو تسمح لي انقلك القصة كما هي حتى تستفيد : صباح الخير ‫#‏رهبة_الجمهور‬ ‫#‏رهبة_المسرح‬ اللي بعرفوني من زمان بعرفوا انه من المستحيل أقدر أطلع عالمسرح وأتحدث بحرية. كنت مفكر انه في ناس عندهم القدرة على التحدث امام الجمهور وفي ناس ما عندهم، موضوع جينات. بعدين اكتشفت انه الموضوع ممكن ينشغل عليه وتنحل العقده. ويوم من الأيام قررت اني أعزم مجموعة من الأصدقاء وأحكيلهم كيف ممكن نستخدم التويتر، وسألت ندى عبنده اذا بقدر استخدم مكتبها وما قصرت . وكان يوم طويل جدا وبعد ما حضر الجميع حاولت أبدأ بالحديث وما قدرت أنتج أي جمله مفيده ووجهي فيه شلال عرق، واستأذنتهم وذهبت للحمام وغسلت وجهي وصرت أحاول أجهز نفسي معنويا you got this, you can do it ولا حياة لمن تنادي وكانت محاولة فاشلة والحمدلله انهم كانوا أصدقاء مقربين. ويوم من الأيام كنت في مكتب نسرين خوري لأساعدها في موضوع الترويج على الفيسبوك، وعرضت عليها موضوع الرهبة وعرضت علي المساعدة. سألتني : الخلل ممكن يكون : ما عندك فهم بالماده، أو الموضوع نفسي. حكيتلها لا أنا فهمان الماده بعدين سألتني: ما إسم الشعور لما ترتبك على المسرح؟ أكيد ما عرفت أجاوب وحكتلي فكر وارجعلي وبعد يومين من التفكير بالموضوع [وجدتها] اسمه: الخوف من أن يهزأ بي الناس ورجعت واجتمعت مع نسرين مره تانيه وحكيتلها عن الاكتشاف الخطير smile emoticon حكتلي ممتاز! صار معاك قصة في المدرسة بين سن ال ٩ وال ١٢ وكانت السبب في خلق هذا الشعور! فعلا ما بتذكر انه صار معي فحكتلي فكر وارجعلي! بس هالمرة طلعت وحكيت مش راجع، لانه شو دخل سن ال ٩-١٢ بالموضوع؟! أكيد خزعبلات!! بعد ٣ أيام صحيت الصبح [وجدتها!] في يوم من الأيام قررت وزارة التربية حذف علامة الرياضة من الشهادة ويومها تم تجميع ٣ صفوف في صالة كرة السلة وطلب منا الأستاذ الهدوء ولكني كنت أكثر طالب مشاغب وصوتي عالي وبتذكر زميلي حذرني (الأستاذ شايفك) وحكيتله شو بطلع بإيده؟ ما رح يقدر يرسبني بعد اليوم! ناداني الاستاذ وسألني بتلعب رياضه؟ حكيتله لأ فطلب مني أعمل ١٠ تمارين ضغط. حكيت بنفسي عادي! بديت أول محاولة والثانية... بعدين صار جسمي يرج من التعب [ والأولاد كلهم صاروا يضحكوا علي ] ومن هون بدأت القصة!!! نسرين خوري: فعرفنا نوع الخلل ومصدره! هلا بدنا نبدأ التدريب: ١- تمرين تنفس قبل المحاضرة بربع ساعه. ٢- فكر بشخص قريب بنسيك اللي حوليك. حكيتلها بنتي ليلى ٣- احفظ صم أول ٦٠ ثانيه ونوعها ممكن مره التعريف عن نفسك ومره تانيه نكته ومره قصة... والموضوع ما زبط من أول مره بس كنت مصر اني أهزم هالتحدي وصرت أعزم اصدقائي اتدرب عليهم وبعدين أعطي محاضرات مجانية حتى تلاشت كل المخاوف شكرا لكل اللي ساعدني برحلتي