لا ينطبق علي صفات الأمومة

Question

مرحبا كل سنه وكل الامهات بالف خير والله يرحم كل الامهات الي توفوا ويصبر اولادهم بدي اطرح موضوع الو علاقه بيوم الام انا ام ل3 اطفال وحامل بالرابع اليوم وانا بقرا مسجات عن الام وبسمع عالتلفزيون حسيت بغصه بقلبي مو حابه اكون سلبيه بكلامي بس حابه احكي عن شعوري الي بشعر فيه من فتره انا ما بحس انو الكلام الي بينحكا عن الامهات بينطبق علي انا ما عندي صفات الامومه مو عامله شي لاطفالي ما عندي هالعطاء الي بينحكى عنه ما بعمل شي غير التنظيف والترتيب للبيت لما يكونوا بالمدرسه واطفالي يادوب ملحقه على دراستهم واكلهم ومقصره في التنتين وهالشي عملي حالة توتر مستمر وعصبيه وبالذات انهم بناتي كتير حساسات توتري وعصبيتي اكبر غلط بالتعامل معهم يعني بظلمهم ياريتني مو امهم ياريت الهم ام احسن مني حتى حملي كرهانيته ومو عارفه شو حيكون شعوري لما اشوف البيبي مو حاسه اني رح احبو والله بكتب وانا عم ببكي بحرقه حاسه انو الله رح يعاقبني باطفالي لاني مو عارفه اكون ام اصلا انا بحاجه لامي بحاجه اني ابكي بحضنها بدون ما احكي ولا كلمه وهي تكون فاهميتني وحاسه فيي بس مو قادره وفاقد الشيء لا يعطيه انا بدي منكم تدعولي بظهر الغيب الله يقدرني اني اربي اولادي وما اظلمهم وما اقصر ببيتي ومع زوجي لانو هو كمان ما بيستاهل مني غير كل خير سامحوني على سلبيتي بس ما في حد احكي معو انا اسفه وشكرا كتير الكم

الخبيرة النفسية د.سراء فاضل الأنصاري · Accepted Answer

اولا الانسان يحتاج الام الى اخر يوم في حياته ومجرد احتياجا للوالدة يدل انك أم طيبة ثانيا ماهو التقصير الذي تظنيني عن نفسك فأنت تهتمي بالبيت وتنتمي بدراستها وتمني ان تكوني أفضل أفضل هذا كله كافي اذا كان هناك اخر ن لهم قدرات اكبر تحمل اكبر طاقات اكثر فان هذا لايعني انك مقصرة ولكن يعني ان الناس تختلف كفكفي دموعك فأنت أم طيبة ومتفانية وواضح انك تبذلي جهدا اكثر من قدراتك ووقتك والله يعينك

من مجهول · Answer

حبيبتي اول شي انتي حامل و الحمل بيعمل خربطة هرمونات بتزيد حساسيتك و مشاعرك ثاني شي الحل على عكس ما بتتوقعي مش انه تتعبي اكثر لا الحل انك تقدري حالك اكثر و تهتمي بحالك اكثر كلنا بشر و ما حدا كامل يعني ما في بيت بيلمع ٢٤ ساعة ولا في ام فاضية عطول تداري ولادها و تهتم بمشاعرهم واي طفل طبيعي بيتحسن بالدراسة مرة و بيضعف مرات و الناس قدرات حطي لحالك واجبات شخصية تعمليها شو ما كان ظرفك مثلا انه لازم الك كل يوم لو نص ساعه تصفي راسك فيها تشربي قهوة او نسكافيه شاي اي شي يروقك و ما تعملي شي من واجبات البيت و الولاد بهالوقت هذا الك بس و الزمي حالك اول ما تصحي بروتين بسيط لو خمس او عشر دقايق تهتمي بنفسك الصبح حسب انتي شو بتحبي غسلي مشطي تعطري اي شي يعطيكي احساس ثقة بنفسك و انوثتك لانه سعادتك مع نفسك و ثقتك فيها هو اهم شي لحتى تقدري تهتمي بولادك و تكوني رايقه عليهم و حاولي تذكري حالك كل ما عصبتي من ولادك انهم زغار و انتي الكبيرة الواعية و انهم منك بتعلمو كل ما عصبتي رح يصير اعند و كل ما حضنتيهم و قلتيلهم قديش بتحبيهم رح يحاولو اكثر يلبو توقعاتك و يخلوكي تفخري فيهم هذول كتاكيت شو ما غلبوكي هم نور عيونك لو فقعت معك تجنبي الكلام و التهي بشي من شغل البيت وضلي اذكري الله وانتي بتشتغلي استغفري و تحسبني لحتى ترجعي تروقي و تعالجي مواقف اولادك بدون نرفزة و اذا حاسة حالك مش ملحقة شغل و هم عطول بخربو ممكن تعطيهم مهام بسيطة مثل التعزيل و الترتيب هيك بساعدو شوي و بنشغلو بدل التخريب و اهم شي تحسسيهم بحبك و حضنك و تجمعيهم كل يوم خمس دقائق عشر دقايق تحكيلهم قصة و هم بحضنك و حواليكي او تقرأي معهم الاذكار يعني لحظات بسيطة من كل يوم بحسو فيها بحنيتك عليهم و أن شالله هالخطوات على بساطتها رح تحسسك بفرق شاسع

من مجهول · Answer

عزيزتي انت عندك قلبك طيب و حنون و الدليل إنك تلومي نفسك على التقصير رغم انو واضح من كلامك انك مضغوطة و بتبذلي جهدك المرأة مسؤلياتها كثيرة في البيت و مع الزوج و الأولاد تحتاجي معونة في ذلك عشان يخف عنك الضغط أنصحك تقولي كل ليلة وانت في فراشك قبل النوم زي ما قال الرسول عليه الصلاة والسلام للسيدة فاطمة عندما طلبت خادما سبحان الله 33 و الحمدلله 33 و الله أكبر 34 ستجدين تغيرا رائعا و سهولة كبيرا كل يوم إن شاء الله و حاولي أن تعلمي بناتك الاعتماد على أنفسهن في الدراسة و أنت فقط تقومين بالتأكد من ذلك حاولي أيضا الاستفادة من والدتك او صديقاتك في كيفية تنظيم الوقت للأعمال المختلفة و تذكري شغل البيت و الأولاد لا ينتهي عليك بتخصيص وقت تقضينه في شيء تحبينه مع نفسك و وقت تقضينه مع أطفالك حاولي أن تنجزي عملك بعد الفجر فهذا وقت مبارك يستطيع فيه الانسان انجاز الكثير ليكون باقي اليوم بعد عودة أطفالك من المدرسة مريحا لك إن شاء الله

من مجهول · Answer

لا يكلف الله نفسا الا وسعها انت بتعملي الي بتقدري عليه واحنا معظم الامهات هيك لكن في منهم قدرتهم اكبر من هيك وعطائهم اكثر فليس معناه انك ام مهمله انت عندك امومه ولكن مو ظاهره عليك وانت مو حاسه فيها وانا كمان بفكر مثلك وهذا شي طبيعي لانه بنحب اولادنا كثير ونتمنى نعطيهم اكثر من هيك لا تجلدي حالك وتشعري بالحزن خذي اولادك بحضنك وداعبيهم واستمتعي بالحياه معهم

من مجهول · Answer

وايد تتدلعين انتي تسوين شغلك باحسن وجه لا تشككين بقدراتك

من مجهول · Answer

عليكي بتوجيه هذا شعور نحو الاتجاه صحيح بدل من ان تبكي عليه اجعليه دافع للمزيد من الاجتهاد

من مجهول · Answer

شعورك هذا ناتج عن احساسك بتقصير وابدا هاذي مو مشكلة تنلامي عليها فانتي تسوين كل الي تقدرين عليه والله لايحمل نفسا مالاطاقة لها به انت تسوي مهامك على اكمل وجه وان كان فيه شعور بتقصير فهذا غير صحيح فهذا مبني على اعتقاد خاطئ

لا ينطبق علي صفات الأمومة

شارك في الاجابة على السؤال

شارك في الاجابة على السؤال

احدث الوصفات

طريقة عمل مهلبية الجيلي

طريقة عمل كاسات تشيز كيك

طريقة عمل كاسات اللوتس

طريقة عمل عصير فيمتو

طريقة عمل الموهيتو الصيفي

طريقة عمل عصير المالديف الأزرق

فيديوهات ذات صلة

مقالات ذات صلة

كيف تتجنب الزوجة تدمير حياتها الزوجية؟

معرفة جنس الجنين خلال الحمل وتحديد الجنس قبل الحمل

تعريف حقوق الطفل واتفاقية حقوق الطفل

ميزات وعيوب الزواج من طبيب والتحديات العائلية

حكم التعامل مع أخ الزوج وحدود التعامل مع زوجة الأخ

تعريف نشوز الزوج وكيف عالج الإسلام الزوج الناشز

اختبارات ذات صلة

اختبار الشخصية الحساسة: هل أنت شخص حساس؟

أسئلة ذات صلة

مقالات ذات صلة

احدث مقالات قضايا نفسية

احدث الوصفات

طريقة عمل حلى كرات الشعيرية السهل والسريع

طريقة عمل كيكة الجيلي الباردة

احدث اسئلة قضايا نفسية

اسئلة من بلدك

احجز استشارة اونلاين

شارك في اخر الاختبارات

اختبار حب الزوج: هل أحب زوجي فعلاً!

اختبار تجاوز صدمة الخيانة الزوجية للزوجة