حظي سيء بأبي وأخوتي وحتى معلمتي

السلام عليكم جميعاً​ مشكلتي نفسيتي هواي اشياء اثرت عليها اريدكم تستمعون آلية وانطوني نصائح وحلول اشلون اكدر اغير نفسيتي لان بصراحة لان الموقع هنا سري اكدر احجي براحتي لان الي دمر نفسيتي واذاني اهلي فما اكدر اشكي الاحد غير الى اللة وإلكم وهاي ثاني مرة اطرح مشكلتي المرة الأولى ماحصلت ردود زينة تكدر تغير شي من نفسيتي بالكت تساعدوني هسةانا عائشة مع اب وام وأخوة بس للاسف ابوي مامعتني بية بالمصرف ولا كلمة طيبة ولاساعدني بشي لا بدراستي ساعدني ولابملابسي ولابطبيبي تتركني ولاكأنة يعرف شي عن قيمة البنت وبشنو تحتاج وشنو قدسيتها بالقران والاسلام احساس الأبوة ماحسسني بي ولا ضكتة بحيت افكر بيني وبين نفسي اكول اذا ابوي مات انا بأي احساس راح ابكي علية يمكن راح ابجي لان مامهتم بيه يمكن راح ابجي اجمع قهرات حياتي هي الي راح اتبجيني اضافتةً الي فقدانة نهائياً انقر من اشوف بنات ابوهم ميت ويذكرنة بالخير ويحجن بمعزتة وبنصائحة الهن وشلون ناطيهم قوه لمواجهة الحياة شلون يذكرن طيبتة ويحنن علية وانا ابوي موجود بحياتي ومامحسسني بشي اضافتةً الى امي كانت تفضل اخواني علية وتكون بواجبهم وتهملي تدرسهم وتغسل كل ملابسهم وتوكلهم اكثر مني تشتريلهم بالاعياد وتعوفني بالابتدائية جنت اروح بلا دراسة ماتدرسني ادرس بس خواتي الوقت مكرس الهم وحتى اختي الي جانت اكبر مني امي توجهه للقيام بمسؤولية اخواني تخلي اختي ادرسهم وتتركني جنت اروح للمدرسة بلا دراسة ملابس وصخة ومعلمتى جان اسلوبها حقير وياي بالابتدائية كأنما تعاملني ليكول اكو عداوات بيناتنة لافهمتني شي ولارحمتني دوم تضربني تخرجت وكبرت ولسة اذكرها تركت بصمة سودة بنفسيتي وماحصلت اي اساسيات برياضيات ولا انكليزي مستوي رديئ بدراسة وكبرت شوي وعبرت المتوسطة وزوجت اختي وصارت علية واجبات بالبيت أنظف وأحضر للاعياد بالمناسبات تبديل شتوي صيفي للبيت غسل ملابسهم وأحضر عشيات ورسومات الهم بالعطلة انا اطبخ من تجي العطلة بس تحت هاي المسؤولية تعاملهم وياي باهمال بدون صرف بدون مشترى للاعياد بدون مشترى للبيت ولاللمدرسة لبسي قديم بتقديم يفرق عن اخواني امي تحس بيهم واتحس بية وتعرفون انتم البنت شلون تحتاج نفسيتي الدلال للملابس للحنية اضافتةً الى اخوي الي اكبر مني جان يضربني ضرب كلش قوي بحجة الشقة وانا أنصف وانا اشتغل واكرب هو يجي يضربني وياذيني كلش كلش ويتعمد وعلى طول وماعندة رحمة من يضربني وانا ادافع عن نفسي ويرد يكتلني كتلة قوية كونن دافعت عن نفسي وامي تحب اخوي اكثر مني فما تقبل اشكتي علية ومن اشتكي الأبوي تجذبني حتى لا ابوي يحجي او يكتلة او يحاسبة تطلعني جذابة وتكلة يشاقة وياها بس هي برعة وصلفة وتضل تصرخ وهو مامسويلها شي امي كانت بانية تاملات على اخوي يكبر ويفيدها فما تقبل ابوي يحاسبة ولا تقبل احجي الأخوي الجبير تكلي شنو تشكيلة وتضوجينة وانا يومية والى سنين اخوي يكتلني وانا اشتغل وانا ادرس يجي ويكتلني واروح اشرد البيت عمي حتى لا انكتل ماعندي احد يحاميلي هذا الموضوع خلص وراح وكبرنة انا واخي وهسة مايكتلني ويمكن حس بغلطة بس ترك شي بنفسيتي يأذيني هسة انا اكتب وابكي اضافتةً الى اخوي الجبير هم ترك شي بنفسيتي مسودلي حياتي جان معقدني مايقبل اخالط واطلع بمناسبات بس لأهل امي يقبل واهل ابوي يقبل من يطلعون اهي اطلع وياهم وطبعا شكلك تلفوني دائما عندة رسائلي لصاحباتي والرسائل الي تجيني لازم يقراهن عبالة عندي شي ويحاسبني على ملابسي من اطلع دوم مراقبني من البس حجابي يوكف على راسي هاي شعرة طالعة هاي ركبتج طالعة اكلة بعدني مامكملة ادري عود من اكمل لبسي احجي من اطلع بشارع حرام احجي حرام وجهي مرتاح بكلية ضوجي وطلعي خل يصير وجهج ضايج لاتضحكين وكلش كلش معقد ويحاسبني ويراقبني وانا اضوج ومن اجي اشتكي الامي اكلها ليس هناك هيج تكلي جامعه ماجاي بعينج مو مدبلج واذا سوى هيج مو اشترالج افلان شي افلان شي تضل تعيرني بالي استرالي كنت حتى متطلب منهم حتى لو احتاج متطلب لان يعيروني وبكل هاي الغضروف ادرس ومستواي ردئ بالدراسة وكبرت وعبرت ضروف سودة والى الان صرف اهلي مايصرفون علية احتاج والله اشياء ضرورية مثل ملابس داخلية وكذا اشياء يعني منين اكدر اطلبهن اكول الامي تكلي عندك ماعدنة نشتري غيرهن وشكد اذوني على اشياء بسيطة ونفسيتي تسوء وذاكرتي ماتنسة شي وكل ما اذكر اكعد ابجي صرت مو اجتماعية ماعرف اسولف مخنوكة بعبرتي وساكتة واساسا ماعندي احد اكدر اشكيلة شكلي دوم ضايج وما احجي ولا اسولف لان نفسيتي مامرتاحة وحتى من ورى القهر صار عندي قولون عصبي وياذيني ويقهروني وحتى علاج ماعندي الة مايصرفون علية حتى الطبيب مايصرفون علية وجسمي ضعيف كلش كلش ماعرف شنو سبب يمكن خربطة هرمونات بسبب القهر هيج جسمي مايسمن بس عظام وكلش مستحية من جسمي ياهو يشوفني يكلولي راح تنفصمين من الضعف هسة انا كبرت وتخرجت وبعمر المناسب للزواج واريد تزوج ماعندي رفض للزواج بالكت اطيج بقسمة زينة بس اخاف من شي لان نفسيتي ضايجة ومدمرة وضعيفةوماسمن اخاف هذا الشي راح يضل بية وتالي زوجي يحاسبني ليس ضعيف جسمج ليش ضايجة ومن ورى نفسيتي صرت كلش مامدبرة وماعرف اسوي شي وماعرف اشتغل صرت مهملة وباردة وضايجة ونفسيتي تعبانة وهذا الشي مخليني بتردد عن زواج اخاف افشل اخاف زرجي ماتعجبة شخصيتي وطبعا لو كلمني ماراح اكدراخبرة انا مارة بهيج ضرف لان صعبة علية احجي على اهلي كدامة واخاف يعاملني بنفس ماصرفو وياي اهلي ً اكو مثل عامل الأجساد بما تعتاد ، اخاف احجي وتالي هو يضلمني ويصرف وياي بسوء أو اخاف يتركني أو اخاف يضغط علية والي قاهرني هسة اساسا محد يجي علية قليل محد يحبني لان جسمي ضعيف الي درجة حتى أنوثة ماكو بسجمي اريدكم تساعدوني بنصائح زينة لاتقرون مشكلتي من غير ماتساعدوني اريد اسمع من الكل ،كلكم ساعدوني بنصيحة ولاتكلولي روحي لطبيب نفساني ماعندي اهل حاسين بية ويصرفون علية فلوس اهلي هامليني ⁦=_=⁩اريد منكم حل ساعدوني ردود علية آسفة على الإطالة بس صار الحجي هواي حتى توضح المشكلة وشكرا الكم