مترددة ولا أستطيع الإنفصال عنه!

لو الموضوع مشي زي ما هوه عاوز هيكون فرحي كمان سنتين و مش عارفه اذا كان شعوري تجاهه حب بجد ولا لا انا 18 و هوه 20 و حبي له من الطفوله لكن معرفش هوه من امته و لسه مصرحاله بده من فترة لكن دايما قلقانه و متردده و عايزه انفصل عنه رغم تاكدي اني لو انفصلت عنه مش هرتبط بحد تاني لان فكرة الجواز عامة محيتها من قاموس حياتي من زمان و رجوعه لحياتي بعد فترة شتتني بجد ممكن يكون تفكيري في مصطلح الحب مختلف عن الناس يعني انا احبه لكن مسمحش له انه يحبني او يفكر فيه و لو عرفت انه عمل كده بحاول اكرهه فيها احسن ما اشوفه مكسور و اهلي و اهله عارفين ب ارتباطنا (قارئين فتحتنا من صغرنا) بس بجد هوه لو جه كلمني في الموضوع ده كمان سنتين او ثلاثه علي ما اظن هقدر ارد عليه عالاقل هكون نضجت شويه بدل تفكير المراهقه الي انا فيه ده و كمان انا من الناس الي ما عاشتش مراهقتها زي المفهوم المعروف دلوقتي لاني بعتبر الي بيحصل دلوقتي قله ادب مش فاهمه ابعد عنه ولا لأ و كمان انا متردده زياده عن اللزوم و ممكن تعاملي مع الناس يكون بنضج لكن معاه بحس اني لسه طفله و هوه الي بيعلمني بيكون شعور غريب كمان عمري ما حسيت ان قلبي بيدق ليه بالعكس بحس بالامان و الراحه معاه لان بحس لما قلبك يدق للانسان ده بيكون خوف او قلق او توتر ارجو انكم تردوا عليا و هل يا تري انا محتاجه طبيب نفسي او جلسات و انا صريحه معاه بجد بكل ده بس كتابه و خايفه من زيارته الجايه يا تري هقدر اواجهه ولا كمان انا اتعودت من صغري لما اكلم حد ابص في عنيه مش قله ادب مني او عدم غض بس لان المذكر زي المؤنث بالنسبالي مش بشوف بينهم فرق و ماما عودتني اني افهم الي قدامي من عنيه لكن دلوقتي لما بتبع نفس المنطق يقولوا لي غلط رغم اني علي طول بتصرف باحترام و هما واثقين من ده فيا تري بعد تصريحي له هقدر اكلمه و انا ببص في عنيه و لا ههرب هوه دلوقتي بيمتحن ادعو له و ادعولي عشان امتحاناتي قربت و لو حصل بيننا ارتباط اكيد الموقع ده هيكون له الفضل بعد ربنا سبحانه و تعالى لاني بحس ان الاجابات بتعطيني الثقه في نفسي الي تقريبا فقدتها من زمان