تمنيت من أحارب الكون معه لكنني وجدته يحاربني!

السلام عليكم انا طالبة جامعية مشكلتي انه ما عندي ارادة لحتى ارجع وانجح واتميز في حياتي وفي دراستي وفي التخصص الي كنت بجتهد علشانه انا بعرف مشكلتي بس بطلت قادره اواجه بطل عندي امل باي اشي وهي قصتي بدات من سنين وهي انه كان عندي مشاكل عائلية كتيره وبحكم فارق العمر الكبير بيني وبين اهلي لاني اصغر بنت في البيت كنت احس اهلي مو معي احس انه ما حدا بهمه نجاحي او فشلي ما حدا بهمه امري وكمان خواتي للاسف ما بحبني مع انه فارق العمر معهن اكتر من 20 سنه بس للاسف انا في طريق وهن في طريق واخواني صعب يفهموني وامي وابوي كانوا ابعد ما يكون في حياتي او ممكن ما الهم وجود في حياتي الله يسامحم ولكن انا لما شفت هيك وضعي قررت اتغير قررت ابني نفسي بنفسي لقيت صعوبه كتير كبيره عند اهلي لانه ممنوع ادرس وممنوع اكون احسن من غيري ومع هيك اصريت انه انجح واتميز وفعلا بفضل الله نجحت بس كنت دايما اردد في قلبي انه اصبر وبكرا الله برزقني بالانسان الي يفرحني ويسعدني ويعوضني عن امي وابوي وكل الي غدروا وحرقوا قلبي وكنت كل يوم يكبر هالامل فيني وكل يوم انجج اكترمن اليوم الي قبله واستمريت سنين على هالوضع صح كنت وحيده بس كنت مبسوطه كتير وعندي صاحبات كتتتير بس ما بحب اقربهن على وضع بيتي مهما كان هدول اهلي وبستحي احكي اشي عنهم مو منيح ولكن في فتره من حياتي وتعبت والله قدرلي انه اترك دراستي وقررت ارجع لدراستي بقوة ولكن في هاي الفترة الي قعدت فيها بالبيت صادفت انسان كنت بفكره هو املي وهو سعادتي ولكن للاسف طلع انسان جدا سيء لا ادب لا اخلاق وهاد الحكي من 4 سنين والله يعلم اني حبيته اكتر من نفسي لاني كنت حاطه املي فيه عن البشر كلهم وكيف ما بدي احزن والي سنين اصبر نفسي فيه واحكي معلش بكرا بفرح بكرا بلاقي اللنسان الي ما ينزل دمعه من عيوني معلش بكرا بلاقي الانسان الي يحارب الكون علشاني بس للاسف لقيت انسان بحاربني انا وبزيد همومي هموم وطبعاااااا هاد كله بدون ما نحكي مع بعض ابدا هو كان يجي على حارتي وخلاني اتعلق فيه اكتر وصار يأذيني مره يجي مع اصحابه الشباب وضل سنين على الوضع ويحاول يجيب رقمي علشان يشوفني رخيصه بحكي مع اي حدا وله لا واصحابه يستغلوا الموقف وصاروا يعملوا متله واناااااا كنت ساكته وبتفرج على كل شي من بعيد وعامله حالي متا بعرف اشي وانا الي كنت بحبه وبتمنى اشوف كل الخير عنده والله تعبت اشوفه كل يوم بوجهين الوجه الي بتمنى يشوفني ويحسسني بحبه واهتمامه وبوجه التاني الي بضل يطعن في قلبي والمشكله انه بتنكر وكنت عارفه وساكته عن الوجهين لانه هو ما حبني اصلاااا هو بس بده يطلعني غلطانه وهو الي يتركني او يكرهني وهو الي يبعد بس انا الي تعبت منه ومن تصرفاته وبعرف اني مو قادره احب حدا متله رغم كل اغلاطه في حقي بس للاسف لسى حبه في قلبي ولكن اخترت ابعد لاني الاهم عندي رضى رب العالمين وبعدت ولقيت نفسي تعبانه بزياده ضيعت حلمي وضيعت نفسي وضيعت روحي وكل شي فيني راااااح وابتسامتي صارت منظر وبس واللع مو قادر اضحك على نفسي واحكيلها تدرس او تنجح بحاول اقنع نفسي انه هاد درس من رب العالمين ولازم اتعلم منه انه بس اتوكل على ربنا وبس لكن من جواتي فراااغ كبيييير وكمان الله اكرمني بالجمال الحمد لله وكتير بيجيني عرسااان لكن مو قادرة اشوف نفسي مع اي حداااا وهو مقابلها عايش حياته وبنتقل من بنت لبنت بس انادايما قويه ليه مو قادره انساه ليه وقفت حياتي عنده واامشكله ظروفي في البيت كتييييييير كبيرة ولازم ادرس علشاني وعلشان ما انذل في المستقبل والله حاسه حالي ضايعه والله تعبت ومشااااكلي زادت يعني مستحيل واحد من اخواني يسأل عني او اخواتي مع اني انا ما قصرت مع حدااااا بس للاسف كرهم الي عمى قلوبهم وانا رضيت بكل اشي بس نفسي ارجع قويه نفسي انجح نفسي اتميز .