مخطوبة وخائفة من المستقبل بسبب شخصية خطيبي الضعيفة

ممكن تنشروا مشكلتى دى بأسرع وقت ممكن الله يخليكوا ممكن تقولولى رأيكم فى مشكلتى دىدلوقتى أنا مخطوبه بقالى سنه لشخص طيب وحنين جدا ومتفاهم جدا هو بس أنا لاحظت من خلال السنه دى إنه متردد شويه في اتخاذ قراراته وخاصة في موضوع الشغل وكمان بياخد قرارت غلط كتير وانا احذره منها واقوله بلاش وهيحصل كذا وهو ميسمعش كلامي ويعمل اللي هو قرره وفى الأخر يحصل اللى قولتله عليه وبطلع أنا صح ودى نقطه برضه بستغربها إنه أنا يكون عندى خبرة فى الحياة وفاهمه عنه مع أنه أكبر منى ب 11 سنه هو 31 وأنا 20 يعنى فى الأول خالص لما اتقدملى واعترضت علي فرق السن دا اللي حواليا قعدوا يقولوا دي ميزه وهيحتويكي وينصحك ويفيدك بخبرته وكدا وهو شهاده لله بيحتويني وبيتحمل عنادى لأقصي درجه وسايبني براحتي واعمل اللي عايزاه فى أى حاجه المهم تانى حاجه لاحظتها عليه إنه ليه صاحب كدا بيأثر عليه في كل قراراته يعنى كل حاجه يقولى أحمد قالي دا حلو وأحمد قالي بلاش شغل في الشركه دي هتتعب فيها وانا هعمل فرح زي أحمد مع انه احمد دا اصغر من سنتين والجو دا مبحسوش مستقل برأيه كدا معرفش ان كنت انا صح ولا غلط هتقولولى ما تأثرى عليه انتي هقولكم هو بيحكيلي تقريبا كل حاجه بتحصل معاه في شغله وفي حياته وبياخد رأيى واحيانا بينفذ رأيى ودا بسيط وبيحاول يرضينى بس حاسه انه صاحبه مسيطر عليه كدا ثالثا خطيبى دا مش اجتماعي خالص هو طبيعه شغله انه يقعد في جنب في هدوء ع الجهاز عشان يطلع شغل كويسمش عارفه شغله دا سبب انطوائيته ولا دى طبيعة شخصيه وانا بطبعى بحب الشخص الاجتماعى المنفتح على الناس وليه علاقات وكدا فهل هعرف اغير الحته دى فيه ولا دى سمات شخصيه مبتتغيرش وأخيراً مبحسوش ليدر لحياتى أو إنه. ممكن يبقى ليدر لأسرة وكدا وبرضه بحسه لما يكون رايح يخلص حاجه في مكان وكدا ورق مثلا مبحسوش حرك وخلص كدا دي الحاجات اللى مضيقانى منه لكن فيما عدا ذلك فهو شخص كويس ومش عارفه انا كدا أوفر ولا لا ومفروض فرحي بعد شهرين وحاسه انى معتش طايقاه وبفكر افركش بس خايفه اظلمه وكمان مش عارفه اللي جاي بعده هيبقي شكله ايه المحترمين بقوا عمله نادرة ياريت تفيدوني يا بنات ولو حد عنده تجربه يقول