أخاف وأرتبك أمام الناس!

(اول شي شكرا لموقع حبوها بسببكم قدرت اتغلب على كثير مشاكل عندي) طيب ندخل بالموضوع.....مرحبا كيفكم انا عندي مشكلة ومش قادر احلها مشكلتي انو في بخاف اشوف الناس ... اه بخاف اقعد مع الناس واطلع مع صحابي .... بس مش خوف انو حد بدو يقتلني او هيك لا لا خوف مع خجل جاي والسبب اول شي وزني زائد وبكره كثير تعليقات الناس انا والله بحاول اخفف بس ما بقدر والي عندو وزن زائد او كان عندو بعرف الشعور هاد انو تحاول تحاول تخفف واخر شي بدون فائدة (الي عندو طريقة مضمونة لتخفيف يكتبها + ما حدا يحكيلي عمليات قص وربط لانو مش قدرتي )وثاني شي هي تعليمي انا قدمت توجيهي ورسبت وكتبت موضوع هون انو رسبت وكثير نصحوني اعيد وردست علسكم وعدت وهلكت نفسي بالدراسة ونجحت الحمدللة بس بمعدل 55% وعشان هاد المعدل اهلي ما قبلو ادخل جامعة واخذت دورة صيانة حواسيب وجوالات ....... المهم لما اقعد مع الناس بحس حالي ناقص يعني الكل متعبم وشكلو حلو الا انا شكلي بخزي ومش متعلم يعني انا ناقص .... كثير بصير مناسبات عائلية وبرفض اروح عشان ما اشوف نفسي ناقص عن الناس انا تعبت والله مش عارف شو اعمل بدي نصيحتكم بالله عليكم