أمي هدمت شخصيتي وجعلتني أتخلى عن حقي بسهولة

السلام عليكم جميعا مشكلتي هي امي انا بنت عمري 24 سنة من ساعة مت كنت صغيرة لهلق وهيي بتحطم بشخصيتي طلعت ضعيفة الشخصية ما بعرف اخد حقي من حدا لا من رفقاتي ولا من مديري بالشغل ولا حتى من خطيبي وامو كل ما اعمل شي بتنتقدني لا انت تصرفتي غلط مش هيك لازم تعملي اذا كان عنا جيرانا وطلعت سلمت وعم بتحدث معن بتقلي قدام الكل وطي صوتك بخجل قدامن وبنسحب او اذا بلبس لبس جديد وبكون شايفة حالي قدام خطيبي بتقلي مش لابقينلك بسرعة غيريهن دمرتلي شخصيتي لك انا بشوف ام رفقاتي كيف بيتصرفو معن اذا حدا غلط معك لا تسكتي جاوبي اي برافو يقبرني شو طالعة قمر يا ماما لك بستحلي كلمة تشجيع منا لك حتى قدام بنات خالتي بتبهدلني وانا بنكسف لحتى هني صارو يتمادو معي ويعتبروني مسخرة القعدة بقلا انت السبب دايما صرت اكره شوف حدا لحتى ما اتصرف شي وينتقدوني الناس على طول حاسي حالي غلط او مزبنبة بدون ما كون عاملة شي صرت بس شوفا ويكون في ناس بطلع بعيونا اذا رضيانة عليي او لا سرسبتني والله حاولت معا بكل الطرق بالهدوء بالصريخ ما بيمشي الحال لك حتى خطيبي بحس اوقات بتنتقدو بس لان شي بخصني انا بكون قاعدة معو بتبعتلي هيديك المرة صورتو على واتساب عندي وكاتبتلي ليكي ما ابشعو متل الاهبل فتحتا بدون ما يشوفني ومحيتا بسرعة ما بتعملي حساب ابدا لك حتى بشكيلا على امو اوقات انو كيف ما بتحكيني لو غبت عنا اشهر غير لانا دقلا واطمن عليا بتقلي انت الغلطانة لازم انتي تحكيها لك بس مرة سانديني وعظيني 1% حق قويلي شخصيتي صرت مع ام خطيبي بس بدي مراضاتا لحتى ما تنتدقدني متل امي تعبت كتير اقسم بالله شو بعمل معا لك حتى بالشغل طلعت ضعيفة الشخصية دوبلت شهر على اساس اخدن مصاري ما جبلي المسؤول سيرتن وانا من ضعف شخصيتي ما سالتو عنن كل يوم قول اليوم بدي فاتحو بالموضوع وبخاف طلعتني زغيرة قدم الكل والله ما بعرف اخد حقي او رد على اي اتهام الي