أبي يتهم أمي بالخيانة فهل هو صادق؟

السلام عليكم انا بنت زهقت من حياتها لانو صرت اكره ابي وما اطيق اشوفه. هو منفصل عن امي من ثلاث سنوات وانا بحكم ان انا الكبيره بين خواتي عمري17 يقول انتي بنتي وصديقتي وامي وكل شي فلذلك هو ما يخبي عني سر ويكلمني بكل شي ودائما اكثر ما يحكيلي هو ان امي خانته وكانت تكلم رجال ومدري ايه وانا ماني قادره اصدقه لانو امي صح صارلي ثلاث سنوات ما شفتها بس انا واثقه بامي بقووه وهي ماتقدر تشوفنا لان اخوانها شريرين مايخلوها حتى في مره واحد منهم قتل الثاني واقول في نفسي لمن يكلمني كذا ( يعني انت البريء الطاهر من لما كنت صغيره وانت وامي مشاكل بسبب البنات اللي تكلمهم )وكل مشاكله وهمومه يحكيها لي عشان يفضفض ويرتاح بس انا اتعب بقوة من الهم اللي يجيني وكمان انا عندي مشاكل بالقلب واتعب تعب قوي واقول ما عليه خلي ابوي يرتاح بس اخر سر صارحني فيه خلاني اكرهه هذا الكره كله لنو قالي بعد طلاقه من امي صار يشوف كل النساء خائنات ويلعبو من تحت لتحت وقال انو كان يبغى يسممنا انا وخواتي الصغار الاربع ولمن قالي هذا الكلام انصدمت وقلبي حسيته يوجعني بشده حسيته بيوقف كنت هذيك اللحظه حاخذ نفسي وانتحر من البلكونه من الدور الخامس بس تعوذت من الشيطان وقلت اذا انتحرت خواتي الصغار ايش بيصير فيهم وانا من بعد طلاق امي كانو صغااار جدا ويسموني مامه قلت مابيهم يعانون مثلي بحياتهم حتى والله العظيم انه كان يشك فيني شك رهيب وانا والله ان الكل والحمد لله يمدح فيني وف اخلاقي وصبري واني انحرمت من طفولتي عشان اربي خواتي كان عمري 13سنه وانا متحمله للحين كل شي وفي مره ابوي شافني طليت على العدسه اللي فوق الباب كنت اشوف بنت جيراننا الصغيره وهي تلعب وقام ضربني ضرب مبرح ورمى السكين من مسافه على رقبتي لمن انقطعت شويه وقدام خواتي الصغار وقال اني كنت اشوف ابن عمتي وهو والله ماكان من ها لكلام شي وللحين اكره ابي و احيان ادعي ربي يااخذ روحي ولا روحه وارتاح وماني مبينه له شي اخليه يفضفض لي واسمعه وعادي بس لمن يتكلم عن امي اضل ابكي بغرفتي وادعي عليه لاني احب امي وقول حتى لو غلطت هو كمان الغلط راكبه من ساسه لراسه اسفه طولت بالكلام سامحوني شكلكم نمتوا من طول كلامي بس اللي في قلبي كثييييير وما يعلمه غير ربي اسفه")