أفتقد لحنان أمي وبداخلي حقد دفين لها!

السلام عليكم اشعر ان لدي حقد دفين وتطور الى ان يصبح مرض نفسي صدقوني لا تقولو غيرة ابدا انا مش غيورة ولا بعمري غرت ولا بحسد ابدا برضى بالقليل بكل شيئ المهم كون مبسوطة بس انا لي عم دور عليه الحب بحس قد ما يعطيني الشخص لي معي حب واهتمام بضل بدي اكتر لا ادري اهي نقص ما بداخلي ام ماذا انا متمردة على واقع عشته لا دخل لي فيه امي امراة طيبة وحنونة وابي موظف عايش عالراتب ولم اطالبهم يوما بفلس واحد على العكس انا واختي اشتغلنا وحبنا تلفونات وكومبيوتر ومدينا انترنت وهم معتبرينها حاجة استثنائية يمكن الاستغناء عنها انا بدرس وبدرس تلاميذ ببيوتن واختي كمان ما منخلص للساعة 9 من بيوت التلاميذ لناتي وندرس نحن ايضا بس انا مش طالبي شي بس شوية حب واهتمام من امي وتشوف حالا فيي انا واختي بضل عالقة براسي احداث ما بتغيب عن بالي بنات خالتي وضعن احسن بشوي منا مش بكتير عادي يعني كافيين حالن ولكن امن بتشوف حالا فيهن بكل مناسبة كانت تاخدن تشتريلن احلى اللبس والماكياج ليبينو احلى بنات بالعيلة وامي كان فيها وعندا القدرة المادية لتعمل ذات الشي بس كان اخر هما كيف مندبر راسنا لدرجة كنت اضطر اوقات الغي مناسبات لعدم وجود ملابس انا واختي او اذا مناسبة لازم روحا لحدا كتير بخصني كنت روح استعير من بنات خالتي ... لماذا يا امي كل هذا الاهمال لماذا لا تحبين ان نظهر بكامل اناقتنا ويبدي الجميع اعجابه فينا مع العلم عيلتنا صغيرة بس بنتين انا مش طالبة منن شي ابدا لا مال ولا شي اصبحت الان اشتغل وانفق على نفسي. بس بدي شوية حب واهتمام ما بعمري امي عملتلي عيد ميلاد وفرحت فيي ولا سنة معانو كل سنة كنا ننعزم عند بيت خالتي على عيد ميلادن ويكون بسيط غير مكلف المغزة من كلامي السعادة والحب مش ضروري بصيرو بالمال ابدا بموقف احيانا بتحسي بقيمتك عند الشخص حتى لما فتحتلا سيرة عيد الميلاد وانو بحب تتذكروني بهيدا اليوم ضخكت الى ان شبعت واعتبرتني سخيفة ( في بنت بعمرك بعد بتفكر بهيك شي ) هكذت كان ردها انا ما بدي عيد ميلاد ولا مصاري ولا تلفون بس بدي حس انكن شايفين حالكن فيي وبتحبوني وللاسف عمري ما حسيت بهيدا الشي لما خالتي بتقعد بدلل بنناتا قدامي انا بقلا لامي ليش انتي مش هيك اذا بتمرض بنتا بتلغي خالتي شغلا يومين اجازة لتبقى حدا انا اذا بكون عم موت امي بتفوت بتنام وبتقلي خدي بندول ونامي بتروقي انا بدي حب بدي اهتمام يا امي ما بدي بندول بدي ياكي تبوسيني شي نهار او تغمريني او تنيميني حدك لحس بدفا قلبك لي ما بتظهري ابداا