شعور الأمومة يغمرني .. ولا أعرف ماذا أفعل!

السلام عليكم اتمنى تفيدوني و تحاولوا تتفهمو مشكلتى و لو انها غريبة شوية انا كان عندى ورم سرطان الثدي و كان حميد نتيجة لخبطة فى الهرمونات بس الحمد لله انا دلوقتي خفيت المشكلة انى بعد كده لما بقيت اشوف اى ست حامل او معاها طفل صغير يبقى نفسى اشيله وحاجة جوايا حابة ده و لتتحرك بشكل فوق الطبيعي لدرجة انى بعيط بصورة مرضية و عاوزة اخلف نفسى اكون ام جدا حتى ساعات بتخيل انى حامل و فيه حاجه لتتحرك جوه بطنى و كمان ساعات بتخيل انى برضع طفل و شايلته و بلعب معاه وبعدين افتح عيني ملقاش حاجة و افضل ابكى بحرقة شديدة مش عارفة ايه مبرر الحرمان اللى عندى انا لسا بنت ٢١ سنة و حتى مش مرتبطة او مخطوبة يعنى مفيش حاجه تعلقنى بالأطفال اوى كده و كمان انا معظم وفتى مشغول يعنى الشعور ده مش بسبب الفراغ ف الوقت و مكسوفة جدا اصارح حد يقول عليا ملهوفة و ميتة ع الجواز و برده خايفه اتسرع و اتجوز اى حد عشان اخلف و خلاص و كمان حاولت اشترك في تطوع لدار ايتام بحيث افضل اطول وقت مع الاطفال مهتموش اوى لانى مش مع مؤسسة أو جمعية انا بخاف من الشعور ده جدا خائفة اخطف طفل او ادخل ف علاقة مش مسؤولة عشان اخلف و خلاص ارجوكم و اسفة على الإطالة