سئمت من سخرية وتعليقات أمي والجميع على شكلي

السلام عليكم انا عمري 16 الله خلقني بشعه جدا جدا جدا ولله الحمد انا الحمد الله راضيه بخلقتي بس تعقدت نفسيتي لان الكل يعيب علي اي والله في المدرسه او في البيت من اخواني وامي اي امي والله ان امي تعيب علي ااااااه بس من كثر ما انا متضايقة وكاتمه في قلبي اكثر من ست سنوات معد عرفت ايش اكتب تعجز كلماتي ولساني وعيوني مليانه دموع بس ياليت تساعدوني وتتفهمون وضعي ولا تقولون في سن مراهقه ماله دخل المراهقة لأن كل ما أقول مراهقه ويمكن انا حساسه وفتره وبتعدي بس مافاد لان مافيه بنت في المدرسه ماتكلمت فيني والله العظيم الكلام يوجع وينظرون لي نظرات استهزاء وضحك وحتى المعلمات يناظروني بقرف واذا سالت سؤال ماعطوني وجه مررره انقهرت اااااه ياربي والله انهم كلهم كذا معي ولا يتساعدون معي وحتى ماعندي صديقات كل يوم اقعد بلحالي محد يعطيني وجه بس احاول أكون لي صديقات بس ولا وحده تعطيني وجه وبس يتاففون اذا جلست معهم بعدين أقوم لأني عرفت انهم مايبوني بس كان عندي صديقات بس حسبي الله ونعم الوكيل فيه وحده من غير جنسيتي تكرهني مرررره واللله ما سويت لها شئ راحت عند صديقاتي وسببت فتنه بينا (والفتنه أشد من القتل ) واذا صرت اسولف مع وحده تجي وتسجلها مني فا انا كالقول شئ لأني مابي اسو الظن بس طلعت ..... اذا قعدت مع بنت تجيها وتقول تعالي بقولك شئ بعدين اجلس بلحالي وبعدها تجي البنت تقول الصراحه هي كاتبي مني شئ بس تقول تبي تقهرك عرفت انها خبيثه اعوذ بالله منها وكن اشكالها ونسيت حاجه ترا كانت صديقتي بس لانها جليت مكاني قومتها قلت قومي تكفين لانه مكاني راحت وصرخت وقلبت علي الدنيا انا انصدمت وقَعَدت حاسب نفسي انا وسويت عشان هي تضايقت على اكتشفت مابيني وبينها اي حاجه واليوم تقعد طول النهار تسب فيني وتقولي ياشينه وصوتها عالي وتقول أصلت محد يحبك والكل يتكلم فيك انا هنا مررره تضايقت وحبست دموعي وحتى المهم تروح عند البنات وتقول فلانه الي هي انا تقول عنكم كذا وكذا وتطلع كلام وتسبب فتنه بعدين اذا جيت أبرر موقفي ولا أتكلم ودافع عن نفسي يقولون لي مانبي نسمع منك يا شينه حتى لو تكشخين انتي شينه وفاشلة وجبانه ولا عندك صديقات ويتكلون علي انا اقعد في مكاني واسمع من هنا واطلع من هنا ولا كأني سمعت حاجه بس اذا جيت البيت اتذكر الموقف واقعد ابكي ابكي واسجد وادعي وانا ابكي لأني انا كريهه والله محد يحبني والكل يبتعد عني واذا جيت بشتكي لامي لأني أكون متضايقة ومهمومه ولا عندي احد اشكيله الا ربي بس كنت ابي امي تسمع مني تساعدني في اي شئ لو بس كلمه تجبر في خاطري تقولي انا مشغولة وهي جالسه ماتسوي شئ ولا تسكتني اذا تكلمت يعني ماتهتم في مشاكلي والله أني احاول اسعد نفسي وأكون متفوقه في دراستي بس ألقى تحطيم من كل الجهات محد يشجعني محد يساعدني محد يهتم فيني وانا وحده الحمد الله احافظ على صلاتي وصيامي واستغفر وادعي دائما ادعي والحمد الله مبتعده عن الحرام اتمني إنكم فهمتوا مشاعري ووصلت لكم المشكلة وأسفه اذا كلامي متلخبط بس لأني متضايقة مرررره وتعبانه من كل شئ وحتى نزل مستواي في المدرسه غصب عني معد صرت اهتم لأي شئ صرت فاشله ومتطحمه ولا عندي صديقات وانا جدا شينه بس الناس يهمهم البنت الحلوه بس تراني مررررره شينه لو تشوفوني راح تنصدمون انا اذا صرت اروح اي مكان الناس يناظرون فيني باستغراب والي تقول يع والي تتهزأ فيني اووووف مدري وش أسوي ساعدوني حتى ماعندي خوات انا اكبر وحده وخواتي صغار ومن يوم عرفت نفسي وانا وحيّده حتى صديقات ماعندي ولا وحده انا كانت شخصيتي قويه بس المشاكل والظروف الي بين امي وابي وأختي المريضه بسرطان بس اللحين هي أحسن لأنها سوت زراعه وان شاء الله معد يرجع السرطان وانا الحمد الله مساعده امي في كل شئ انظف اطبخ احرم نفسي عن النوم والراحه عشانها بس المشكله انا فاشله في عينها في كل شئ واذا طلبت منها تعالج بشرتي تقول لا واذا طلبت منها اي شئ تقول لا وماتستاهلين وبعض الأحيان تقولي ياليتك حلوه عشان اصورك بسناب زي صديقاتي نزلون صور بناتهم الله يهديها جرحتني ليش مهي حاسه فيني ودايم تتهزى فيني وتضحك الناس علي ولا تخلي اخواني يحترموني وانا الي مااقصر عندهم بس الله يعين ويعطيني على قد نيتي والله أني اكتب وانا ابكي من القهر ولو اكتب من الئ بكره مااخلص تعبت ياناس مافيه شئ الا مسويته ساعدوني الله يخليكم وأسفه اذا طولت عليكم بس من الضيقه الي فيني ولا والله ودي اكتب بعد عشان ارتاح بس مستحيل اخلص رجاء ساعدوني الله يدخلكم الجنه ويرزقكم ويحقق امانيكم عندي اخر سؤال بس ممكن تردون علي بصدق وحقيقية وبدون مجامله. تظنون أني راح اتزوج ولا احد بيقبل فيني ومعسلامه