أعيش في حياة تسودها الوساوس والشكوك

السلام عليكم اولا حبيت اشكركم مريت بفترات سيئه جدا في حياتي و ساعدتوني كثير فيها ،، انا بنت بعمر ٢٦ سنه عائلتي جدا صعبه وعصبيه ومرت ايام سيئه جدا بس الحمدالله على كل حال ، لاحظت في الفتره الاخيره صرت اخاف على طول الوقت ودايم احسب للموضوع الف حساب قبل لا اسويه حتى لو مافيه شي غلط ودايم افكاري سوداويه جدا ، حتي لو مر يوم بدون شي مااخاف منه لازم عقلي يحط سيناريوات عشان اخاف حتى من ابسط الاشياء (اني ماقفلت الكمبيوتر في الشغل واحترق المكان ) واقعد على اعصابي الما اليوم الي بعده عشان اتاكد ان ماصار شي بمعني اصح صرت افكر بزياده ودايم افكر بالاسوء ويخليني اعيش بخوف دائم ، مااعرف ايش هذي المشاعر بس ابي اسيطر عليها قبل لا تزود علي .