حساسة ولا أعرف كيف أكسب علاقات جديدة؟

السلام عليكم انا فتاة ابلغ من العمر 21 في المرحلة الجامعية انا أعاني من حاجة نفسية مضايقتني كثير في حياتي اني انا حساسة كثير لو موقف بسيط يصير لي على طول يتعكر مزاجي ويكون ضايق خلقي طول الوقت لكن اذا ضاق خلقي ماابين لأحد ولااحاول انتقم للي سبب لي الضيقة ، قد ايش تمنيت أن يكون عندي علاقات كثيرة اروح واطلع معهم الشي اللي يقتلني إن كل العلاقات اللي قابلتهم في المتوسط والثانوي كانوا حيل سيئين ، والله اني انسانة حيل مسالمة واحاول بقدر الإمكان إني مااضايق احد بس الشلة اللي كنت معهم كانت حركاتهم خبيثة وكانوا حيل يضايقوني في المتوسط والثانوي من أتذكر احس بضيقة بصدري لما اشوف فلانة قد ايش كان المتوسط عندها حلو لأن كان عندها شلة ومبسوطة معهم وانا أبد ماكان عندي ، مااعرف أكسب علاقات صراحة حتى في الجامعة وحدة حابة شخصيتها ودي تكون صديقتي بس مو عارفة كيف ، أخاف ماتعطيني وجه وتسحب علي ويضيق خلقي انا هذي ضيقة الخلق ماابي اشعر فيها كل اللي ابيه انكم تساعدوني أني انا انسانة مااعرف أكسب علاقات فماابي انتظر أن يكون عندي علاقات ودي يروح هالشي من بالي ومااهتم بهالاشياء في أشياء كثيرة في حياتي اهم منها ، قد ايش تمنيت أن يكون عندي بنات خالة وعمة كذا كلنا نجتمع مع بعض ونعزم بعض قد ايش تمنيت يكون عندي علاقات واطلع واروح معهم انا حاولت بس بعدين اكتشف انهم مو مهتمين ولايبون يجتمعون مرة ثانية على الرغم اني ولله الحمد مااغلط على احد ولا أأذي احد وآخذ وأعطي في الكلام عادي يجيني ضيقة في الصدر بسبب هالشي أتمنى من كل قلبي انكم تساعدوني اتجاوز هذا الشي وخلاص ماابي اهتم بهالاشياء ودي اهتم باهدأفي ومستقبلي ماابي هذا الشي يكون له حيز في تفكيري ودي اتحرر من هالشي ساعدوني.