وجود زوجي مثل عدمه في البيت بسبب مرضه النفسي

السلام عليكم ياجماعه انا متزوجه منذ ثلاث سنوات زوجي عمره 48 سنه عندي طفلين وانا عمري 29 سنه المشكله اني انخدعت بزوجي كنت افكره انسان طبيعي وبعد الزواج اكتشفت انه مريض نفسي كثير الوساوس والتفكير لدرجة انو يقول الناس ساحرينه والناس يراقبونه وهو كان مطلق قبل 15 سنه يقول انو اهل طليقته شاكينه بالمحكمه لانه طلق بنتهم مع العلم انو مافكروا فيه ولا اهتموا وعايشين حياتهم مجرد افكار براسه يعني يوسوس باشياء غير عقلانيه ويصدقها احاول دايما اصلح افكار وافهمه انو مجرد وساسوس بس مايصدقني المشكله انو بسبب هالوساوس صار تعباان ومرهق وعيونو حمرا ومن تحتها سودا تعباان مره مو قادر حتى يروح البقاله يشتري لنا اغراضنا او يودي ولده المشفى وماعنده ثقه بنفسه وكثير ضعييف وكثير يقول ليتني ماتزوجتك مقدر على مسؤوليتك انتي وعيالك !! انا وين اروح حاسه ماعندي احد يقوم فيني حاسه وجوده مثل عدمه اتمنى لو تزوجت رجال فعلا مو حيطه انا انخدعت بزواجي منه وهو ماخبرنا انه مريض حتى العلاقه بيننا شبه معدومه لان مافيه طاقه يسوي شيء انا كرهته وصرت اتهاوش معه كثير واقوله انت ضعيف وانت مو رجال ووو عشان يتغير او يتعالج لانه رافض حتى العلاج بس ماحصل تغيير والطلاق اهلي رافضينه انا اصبحت عصبيه جدا كيف اتصرف مع هذا الانسان ياربي صبرني