كيف أساعد أختي في الخروج من هذه الحالة؟

احب اتقدم بالشكر لكل العاملين في هالمشروع ما تعرفون كم حليتوا مز ازمة الله يجزاكم خير، مشكلتي ياجماعة الخير هي اختي انا واختي مره قريبات من بعض بيني وبينها سنتين وانا الاكبر، من فترة طويلة لاحظت انا وعائلتي حتى زملائها في الدراسة تغير كبير فيها وغريب،اكثر المناسبات ما تروح لهم يمر العيد كامل بدون ما تشوف احد بس تبي تطلع مع العايلة ما تبي احد ثاني، بعض الايام ترجع فيها من المدرسة وتبكي بس مع العلم بأنها صارت تبكي لوحدها ولما تزعل تروح اي مكان لوحدها،لما اسألها وشفيك تقول ولا شي بحكم اني معاها في المدرسة اشوفها تضحك وتلعب وعادي وهي من النوع المرح اللي دايما يضيف جو نشيط بس لما ترجع البيت تحبط وكأن كل شي كان تزييف مع اني اعرف ومتأكدة انها كانت مبسوطة من قلب كانت تقولي ان طاقتها خلصت او انها تعبت وتبي ترتاح بدأت افكارها تتغير جذرياً حتى انها صارت تسمع اغاني وتتلفظ بألفاظ مو كويسة وما عادت تهتم،الموضوع الصراحة مره مضايقني لان مرت فترة طويلة وهي على هالحالة وبس تعصب وفجأة تضحك وتمزح ابي اعرف هل اختي دخلت مراحل الاكتئاب؟ لاحظت عليها افكار الانتحار وان ودها تأذي نفسها بس الحمد لله فيها من الايمان ما يمنعها من الانتحار وهي قد عانت ومازالت من الوسواس القهري بس استغنت عن الاستشارز النفسية بسبب الظروف المادية، وش اسوي وكيف اساعدها؟.