أشعر بأنني ذات شخصية ضعيفة

3 0 أنا راشده و عمري 30 و اعمل ممرضة و لكن تعبت من المسؤولية ما اقول الا الحمدلله بس كل اللي حولي اهلي يضغطوني بمشاكلهم و اسمع لهم و افيدهم و يحبون التكلم معاي بس ما اعرف اتكلم مع احد فيهم لاني طلبت كل واحد فيهم مساعدتي و رفض السماع لي و كملو حياتهم طبيعي بس حسيتهم انانين لاني اعطيتهم حياتي كلها و الان ما في احد جنبي و الفتره دي ماما و بابا متخاصمين و انا لوحدي في البيت مع اخي الاصغر مني و اخوي متوفيه زوجته و عايش معانا و بابا ف بيت اخي و ماما ف بيت اختي و متضايقة لانو بابا و ماما يشتكولي و كنت اقول لكل واحد فيهم فين غلطو بس ما رجعو لبعض و انا متعلقه ف بابا كثير الله يخليه لي بس صدمني صدمت عمري لانه كذب علي في شراء منزلي و اخذ نص المبلغ ما تهمني الفلوس قد ما يهمني أنه يكون كذاب بعد 6 سنوات اعترف لي و مع هذا كنت ماخذه له قرض و مبلغ اللي هوا يبغاه اول ما اشتغلت و من غير ما يشاورني و من 6 سنوات انا ينزل راتبي ياخده البنك و لا استفيد ريال بس الحمدلله احب ماما و بابا و راضيتهم و عايشه مبسوطه حواليهم بس الحين زعلانه لحالي بالبيت اختي الصغيره تخرج كثير لي صديقاتها و ماتجلس و ما احب ابين لها اني ضعيفه او محتاجه عشان لو ف يوم كانت محتاجتني اكون عند حسن ضنها و اخواني لا لهم في الطين و لا في العجين ما اشوفهم آلاف مشاكل و الحين أنا برا البيت ما ابغى ارجع و ما في أحد ابغى ماما و بابا و لمتنا مع اخواني و اخواتي حتى لو ما يسالو عادي بس احب فرحت ماما و اللمعه اللي في عينها لما تشوفهم متجمعين و قلوبهم على بعض ....مدري ايش اقول .....بس حلوني خليكم مكاني أنا شخصيتي ضعيفه شوي قدام اهلي لان اخوانب كلهم كبار و احترمهم و ما ارفع عيني عليهم و دايم حاضر و سم على كل شي...بس هنا خلاااااااص مليت أبي اتسوق ابي احط اسنان ابي اسوي شعري ابي اروح كوافير ابي احس إني مثل صديقاتي والله ما اقدر اخرج و لا مكان من كثر ما شكلي يفشل و لا كأني ذيك اللي تشتغل اووووف