أمي أعدمت شخصيتي ودمرت ثقتي بنفسي

السلام عليكم ،، انا عندي مشكله صعبه جدا وللان م عرفت لها حل اهلي بينهم وبين نفسهم مشاكل امي وابوي ، خواتي واخواني ، امي وانا كثيييررر مشاكل م توقف مستحيل يعدي يوم عندنا بدون مشاكل مثلا لو قلت لاختي فين رايحه او ابي منك شغله يكون الرد مالك دخل ايش تبين م ابي اديك ، الاسلوب يكون عنييف جدا كانها مضاربه كبيره ووالله اني م ابالغ ، المحزن بالامر اخواني اولاد شخصياتهم منعدمه يخافون من الناس و التأتأة دايمه بلسانهم ،، امي وابوي والله م اقلل منهم ، والله يحفظهم هم دايم الاثنين يتضاربون ويقارنون نفسهم معانا م كأن المفروض عندهم واجبات هم يقومون فيها مثلا ابوي انا ابي مصروف لي للدوام لاني اداوم من الصبح الى العصر يقول م عندي بالرغم ان وضعنا المادي مو سيئ زي معظم العائلات ، امي اي شي اقوله لها تعصب تهاوش تدعي ووالله ان نفسي ان علاقتي معاها حلوه لما اجي بتكلم معاها احاول افتح موضوع تقفله م تبي تسمع تقلل مني ، بالفتره اللي قعدت فيها بالبيت قبل الوظيفه طول ذيك الفتره لا اطلع ولا اقدر اجيب لنفسي اغراضي الاساسيه لان م كانو يصرفون علي وارجع واقول وضعنا مو سيئ ولما كنت احاول اطلع القى كلام منها ليه طالعه انت م معك فلوس ايش تبين والله غير تقعدين ، انا م اكرهها هي امي والله يحفظها بس امنية حياتي ان علاقتي معاها كويسه لانها عمرها م صارت ، الثقه بنفسي معدومه اخاف اتكلم مع الناس مالي ابدا حضور واللي يوجع ان كل ذا الكلام م عندي من اقوله اداوم وانا ابكي عيلتنا كلها قاعده ع الحبه مع الثاني بشكل يخوف ومبالغ فيه ، اكتم ضيقتي واحس الم قوي ببطني وكأني غاصه بحاجه حتى النفس يضيق ،،،،ارجوكم ابي حل لمشكلتي لا تقولين جمعيهم وتكلمو سويتها ميه مره وسويت زي المفاجأة لهم كل ذا بين فتره وفتره اسويه بس العلاقه كل مالها تسوء