زوجي خانني مع الجارة !

زوجي خاني نحن في دولة عربية لينا 7سنة و متزوجين لينا 15 سنة المشكلة بدأت لما زوجي سافر بلدنا لوحده لإدارة املاكه كانت فتره 15يوم عندنا عمارة فيها مستأجرين لما كان بيمشي للعمارة كان يصادفها وكان في كلام بينهم وتوصيل لمكان عملها وكلام و ونسة ومداعبة في السيارة معرفته بها كانت من نهاية السنة الماضية والخيانة بدأت في بداية السنة الجديدة كانت قبل تلاتة شهورو قبل اسبوع خبرني بخيانته لي كان صريح معي وقالي أنها كانت تقول له نتزوج وانها بتحبه قالت له حتى لو اتزوجت غيره ما ها تتركه وقالي انه كرهها من لحظة سلمته روحها ونامت معاها وقالي انه ما حصل جماع داخلي كان من الخارج لانو حسه انها عاوزة تورطه بحمل ويتزوجها وانها كانت عندها علاقات تانية وانها اتصلت عليه من لحظة رجعته للبلد العايشين فيه 3مرات فقط أنا بالأول ما كنت مصدقة افتكرت أنه بيهظر معي وقلت له اتصل عليها اسمع كلامها معاك واتصل وقالت أنها مشتاقة له ومن لحظتها وانا في دومة من الهواجس والصراع وحتى مسح أرقامها علشان ما يزعلني وانا والله العظيم من لحظة مصارحته لي وانا في صراع نفسي ما قارة اتحمل وما عارفة اعمل ايه وخاصة عندنا اطفال أكبرهم 14سنة وانا ما مقصرة معه بشئ وبسمع كلامه حتى طلعة من البيت ما نطلع إلا كل شهرين أو تلاتة شهور نسبة لظروف عمله وبحس من كلامه عنها انه حباها قال انها جميلة وشعرها طويل وانا شعري ما طويل واقسم لي بالله انه كرهها وقرف منها وانا بثق فيه اكتر من روحي وما اتخيلت انه يخونني أقسم أنه يقول لي على كل شئ وأنه ما يخونني مرة ثانية وما يشوف غيري وانا ما عملت مشكلة معه ولا صارخت ولا حتى بكيت واتقبلت الموضوع عادي لأنه ما خاف من ربنا يخاف مني أنا ساعدوني عليكم الله