المشاكل الزوجية في المنام

مش فاكره الحلم قوى لكن اللى فاكراه انى فى الحلم كان هناك مشاكل بينى و بين جوزى و كنت عند اهلى و بعدين روحت شقتى اجيب ملابس ليا ( مع العلم ان الشقه فى الحلم مش شبه شقتى خالص لان شقتى فوق شقه والدتى و زوجى اصلا دلوقتى فى بلد عربى) و لما روحت اجيب ملابسي حصل كلام بينى و بين زوجى و بعدين كلم دكتور فى التليفون اخد منه معاد و بعدها كلم والدتى فى التليفون قالها يا حبيبتى انا كلمت الدكتور و اخدت منه معاد .. قولتله بتكلم مين قالى مامتك فاستغربت جدا لانه متخانق معايا و مع امى و مع اهلى ..بعدها جه البيت عند امى و شفته زى ما يكون راح قعد على رجليها زى الاطفال و قعدوا يتكلموا و سمعتها بتقوله حاجه فيما معناها علشان مش فاكره انه قال كلام كتير يزعل عن المشكله اللى بينى و بينه لما اخويا كلمه و قال كلام وحش عنى و عن اهلى اتكلم بطريقه وحشه و كده و قالتله بس فى كلمه قلتها كويسه و قالتله الكلمه بس انا مش فاكره .. بعدين اختى كانت بتقلى بطاطس هى و بنتها و جاتلى الغرفه فبقولها جوزى قاعد بيكلم ماما و عمل كذا كذا ..قالتى ازاى بعد كل اللى هو عمله و قاله ده !! و بعدها شفت اخويا و امى و زوجى قاعدين و بيتناقشوا فى المشكله ..((( مع العلم ان فى الحقيقه انا على خلاف كبير مع زوجى و غلطان فيا و فى اهلى و انا حاليا عند اهلى و هو مستكبر يراضينى و كمان بيحط عليا شروط منها ان نعيش فى بلد تانيه و مايتعاملش مع اهلى و خصوصا امى تانى و بيتهمنا بحاجات ماحصلتش و الموضوع واصل لطلاق و هو اللى كان مهددنى بالطلاق كتير و لما قولت خلاص يبقى طلاق بيحطلى شروط علشان مانسيبش بعض)))