تفسير حلم شراء الطماطم في منامي

انا مش متذكره الحلم قوى بس اللى فكراه انى كنت فى هايبر ماركت (فى الحلم كان الهايير العثيم اللي فى السعوديه) و بنقى طماطم و انى لقيت فيها زى نقط سودا كده و لقيت تمنها غالي فماشتريتهاش و قولت هى فى اماكن تانيه ارخص و قولت هقول لجوزى و كده بعدها كان فى بنت اتعرفت عليها فى الهايير و قالتلى انا مروحه تعالى نركب تاكسى واحد يوصلنا قولتلها ماشي و ركبت التاكسي و بعدين افتكرت ان جوزى هيعدى عليا فى الهايبر و اتخضيت جدا انه ممكن يتخانق معايا انى ركبت تاكسي و قلبى اتقبض جدا و قولت للتاكسي يرجعنى على الهايبر بسرعه و جوزى كلمنى قولتله انت فين انا فى الهايبر فراح مكلمنى فيديو كول قفلت عليه و زي ما اكون شفته فى الكاميرا متعصب ..بعدها وصلت الهايبر و دخلت لقيت خالى بيتصل بيا و خالى اسمه عادل بيقولى انتى فين قولتله فى العايبر فوصفلى مكانهم واقفين فين فى الهايبر و روحتلهم هو و جوزى .. فى تفاصيل تانيه فى الحلم بس مش فكراها مع العلم ان زوجى بيشتغل فى السعوديه و انا ماعرفش شكل هايبر العثيم ده من جوه و خالي عادل عمره ما كان بيكلم جوزى او فى السعوديه معاه و كده و انا على خلاف مع زوجى و الموضوع واصل لطلاق و بيعاملنى انا او اهلى بطريقه سيئه الايام دى و انا عند اهلى فى مصر