تفسير رؤية الحبيب لابن سيرين في المنام

حلمت ان الشخص اللي انا بحبه من 7 سنين واقفه ف الشارع وهو كل شويه بيروح يتكلم مع حد ويسيبني ف الطريق ويمشي ويفضل يمشي ويرجعلي.. لحد ف الاخر ما كان في ناس كتير ماشيين ف طريق وهو ماشي معاهم وانا ماشيه وراه، راحت واحده بتشاورله عليا، لف، ومسك ايدي وخلاني امشي جمبه، وبعدها شدني من وسط كل الناس دي ووقفنا ع جمب، انا كنت لابسه طرحه، فجأه بقيت واقفه قدامه ب فستان ازرق طويل وبشعري وشعري طويل وناعم وحلو جدا، وقالي انا عارف انك مش عايزه غيري، وانا كمان مش عايز غيرك.. روحنا البيت بتاعي، و وقفت ارتب ف المكتبه بتاعتي وهو بيرتب الكتب فيها معايا، وماما بتقولي هو بيعمل ايه هنا؟؟ قولتلها مش هيمشي تاني.. وصحيت من النوم، مع العلم ان الحلم ده كان من سنه، ليلة نص شعبان وكنت معيطه ومصليه وداعيه ربنا كتير لان كان عندي مشاكل ف البيت.. اتمني حد يفسرلي الحلم