الأتوبيس في المنام

ارجو تفسير حلمي انا حلمت اني ركبت اتوبيس كبير وكان معايا اصحابي كلهم و الاتوبيس انحرف عن الطريق فطار فوق البحر بس رجع بطريقه تاني بس احنا كلنا نزلنا في الميه وكنا ماشيين علي الميه عادي وكن بتدخل كهوف واماكن غريبه بس كنا بنتكلم وعادي ومكناش خيفين وبعد كده لقيت نفسي لوحد في بيت قديم ووحش اوي اوي والعفونه في كل حته بس لقيت حماتي واهل بيت زوجي كلهم هناك اخواته البنات ومراتات اخواته وهو بقيت مستغربه ان في حد يقدر يقعد في القذاره ده ودخلت غرفه لقيت بنت رضيعه جميله جدا وبقيت فرحانه بيها وبقول اسمها سجده وغيرتلها وبقيت احضن فيها وفرحان خالص بيها وورتها لحماتي مهتمتش بيها فرجعتها مكنها وخليت بنتي تهتم بيها وكل شويه ارجع اطمن عليها وكان اهتمام حماتي بالفطار لازم بخلص علشان كان يوم جمعه وكانت عيزه تلحق الصلاه وكانت مصممه تروح للمسجد اللي متعوده تصلي فيه وده كان بعيد خالص خالص يعني لو راحته مش حتلحق الصلاه وكانت بنتها الكبيره كانت بتزعق معاها انه مش حينفع وشهدتني وانا قولتلها ادام حترتاح لو صلت هناك سبوها ورحت لجوزي احايل عليه انه ياخدها بالعربيه بتعته علشان تلحق وهو مكنش راضي وفضلت احايل عليه لغايت ما صحيت اسفه للاطاره انا متزوجه وعندي اولاد وكنت مصليه صلاة استخاره لاجراء عمليه في العمود الفقري