الخوف من كل شيء أتعبني

انا بنت عندي 20 سنه وعندي مشكله مخلياني علي طول خايفه زي فوبيا كده ان اخواتي الصغيرين حد هيخطفهم او حد هيئذيهم ومش هعرف اشوفهم تاني كل يوم احلم بيهم احلام وحشه بسبب تفكيري والخوف الزياده عليهم بدعي كل يوم لو في سوء هيمسهم يجي فيا وهما لا والخوف ده مخليني مش عايزه اخلف لما اتجوز انا كل ما حد يجيبلي سيره الخلفه بتعب اوي وبخاف ومش مستوعبه ان ممكن اجيب طفل ممكن يجرالي حاجه بحب الاطفال جدا لكن مش هقدر استوعب انهم ممكن يتعبو او حد يئذيهم مش عارفه اتغلب ازاي علي المشكله دي