رؤية الكافية في المنام

السلام عليكم.... انا حلمت وان شاء الله خير انى كنت قاعد ف كافيه او مطعم انا وناس مشتهومش مين وكان ع الترابيزه اللى جنبى ست كبيره ف السن وشكلها لارج جدا هي والناس اللى معاها وتقريبا جوزها وكذا شخص كمان معاها وكانت لابسه فستان سواريه اسود ف دهبى وكان مرصع بالالماظ وانا شفت الماظه واقعه م الفستان و الست دى مكانتش واخده بالها ولا حد كان شايفها (الالماظه) وانا لما شفت الماسه وطيت ع الارض اخدتها و لفت نظرها علشان اديها الالماظه بتاعة فستانها فلقيت الست بتبص ع اللى حواليها وتشوفهم اخدوا بالهم م اللى انا عملته ولا لأ ولقيت محدش اخد باله فغمزتلى وشاورتلي بيديها بمعنى خدها خدها انا مسامحالك ف الالماظه فاخدتها وحطتها ف شنطه بلاستك بيضا ورحت لصايغ لقيته معاه كذا واحد منهم واحد انا اعرفه سلمت عليه وبعدين بطلع للصايغ الجوهره علشان يشوفهالقيتها بقت ٣ جواهر وهى اصلآ كانت واحده اللى الست اعطتهالى و سامحتلى فيها وكانت قد الكريستال بتاع النجف أصغر من عقلة الصباع ولكن عند الصايغ لقيت الجوهره بقت ٣ جواهر الأولى مثلا اكبر من كف الايد ووزنها حوالى٢:٣ كيلو والتانيه قد علبة السجائر والتالته مشفتهاش وسألت الصايغ هى دى ماس فقالى وهو بيبص عليها ووشه مندهش ع الاخر حتى لو مش ماس تبقى مصنوعه من كسر الماس يعنى ماس برضه وبعد كده صحيت والله المستعان وان شاء الله خير شكرا واسف للاطاله