رؤية الجزم في المنام

السلام عليكم ورحمة الله وبركاته. . . حلمت انو انا واخواتي وامي نكون في في الحرم مكة المكرمة وكنا نبغا نطلع من داخل الحرم بس جزمتي تكون ضايعه واخذت جزمة من بين الجزم ولبستها مؤقت الين ما القى جزمتي وجات اختي الكبيرة دورت معي واعطتني واحد شكله زي شبشب الحمام ، فقلت لها لا حقتي جزم الموضة زي هذي الجزمة اللي قدامك ولونها احمر واختي رفعته وطلعت هي حقتي وفجأة كأننا بمكان مادري وين كان جاء شاب ابيض لحيته طويله ولحيته وشعره اصفر مايل للبني ويكون جميل ويكون مطوع ويقول لي النكاح بعد صلاة المغرب يعني نكاحنا وامي تكون عندي ويجي يقول لها خاله وما اتذكر ايش قال لامي فقط ااذكر انه جاء وقال خاله .. وانا اروح اقول لوحدة من اخواتي ان اخوي خطبني والنكاح بعد صلاة المغرب وتستغرب وتقول كيف اخونا خاطب وعنده زوجه مادري ليش اقول كذا مع انو كان شاب غريب وليس اخوي وانا اكون سعيدة اني حتزوج واكون في داخلي حزينة اعتصر الم اني حتزوجه في داخلي ماكنت موافقة بس كنت اتظاهر اني موافقه واقول ف نفسي هذا مو سعودي هذا من الجنسيه الفلانيه وانا ابغا سعودي علما اني في الواقع ايضا لست سعودية .. ومادري اذا بعد صلاة المغرب صار النكاح او لا لا اتذكر ... علما اني عزياء واخوي في الحقيقة منجد خاطب ... علما اني كنت عند أمي والشاب جاء وقال النكاح بعد صلاة المغرب وخرج كأنه رايح للصلاة . وكان تفسيرك ( السلام عليكم ورحمة الله وبركاته ، طابت أيامكم وشكرا لثقتكم بحلوها ....عندا جاء الشاب كم كان الوقت ؟ ) . وقت ما جاء الشاب كان وقت صلاة المغرب اظن دوبه اذن جاء وقال النكاح بعد صلاة المغرب وخرج ووضعه كأنه رايح الصلاة ..