ما تفسير رؤية الطلاب في المنام

السلام عليكم ويعطيكم العافيه حلمت اليوم قبل ساعتين كأني امشي في سور برى المباني يعني (داخل جامعه مجهوله). وكان فيه طلاب على شكل طوابير يمين ويسار ينتظرون يقدمو على الوظائف او اختبار القبول للتعيين. ومدري وين طابور تخصصنا ورجعت من نفس طريقي وانا امشي سقطت على الارض (تعكرفت او مدري كيف) وقمت وحسيت بإحراج والتفت لقيت محد شافني الا واحد او اثنين ممكن بس محد مهتم ولا احد حولي والطلاب يمين ويسار طوابير. وكملت مشي انا وثم نزلت مكان (للخروج من الجامعه يعني) لان قلت بامشي للبيت خلاص مابي اتعين مهندس الا واشوف خوي لي من الثانوية ومعه واحد مدري مين (بالحلم كأنه نفس تخصصي عائلته النفيعي اسمها وتوه مخلص اختبار القبول واذكره متحسف على غلطه بسيطه باختباره) وسألته وين مكان اختباراتنا وقال فوق ورقيت درج حديد وكأني بحديقه الجامعه وبنهاية الدرج مال الدرج للجهه اليسرى وطاح او بغى يطيح. لاكن وصلت انا فوق ولقيت نفس المكان اللي كنت فيه عشان التقديمات قدامي وقلت باشوف بنفسي وين تخصصنا للمره الثانيه لان ماكنت اعرف وين بالضبط وصحيت من النوم. انا مهندس بالاساس والمفروض اتعين معيد (تقديري ممتاز والأول على الدفعه ومعي مرتبة شرف) لاكن رفضت قبل سنتين انا يوم اتصل علي دكتوري بدون سبب وندمت اني رفضت طبعا. والسنه اللي راحت قدمت ابي اتعين وكانت أموري تمام وتم استبعادي بدون سبب (انا الان مقدم عليهم قبل اسبوعين وبرضو مقدم على دورة ضباط جامعيين بوزارة الدفاع). مع العلم كلهم تم استبعادي منهم السنه اللي راحت نفس ذا الوقت وجزاكم الله خير. عاطل/اعزب/٣١ سنه/ على رقية السحر قراءه واستماع وآيات ابطال السحر والشفاء والبقره والقران وشرب ماء مقري. أيضا قبل سنه قبل ما يتم استبعادي حلمت اني انقبلت وخوي لي ما انقبل وكان هو معصب واذكر شفت دايره بالقلم الأحمر على اسمي واسم شخص ما اعرفه بكشوفات المقبولين.