حلمت بشخص أعرفه يحمل طفلة

حلمت انه كانت الدنيا ليل كثير وعتمة كنت بتفرّج من شباك غرفتي وشارعنا اصلا مطفي وكان فيه ناس بتنزل من سيارة وبتدخل على عمرتنا... صرت احاول اميّز مين ...بس دققت عرفت انه عبدالرحمن وكانت معه طفلة صغيرة رضيعة بحضنه عمرها تقريبا ٦ اشهر او اكبر بشوي ... قصتي مع عبدالرحمن كان بيناتنا حب طفولي وكبرنا واجى بده يطلبني لكن عائلتي كان بدهم وضع احسن شوي من وضعه وهو ما حاول يجرب معهم بس عرف الوضع هيك دغري راح وخطب بعد فترة وتزوج ... لكن رغم خطبته وزواجه لساته بحبني وبدوّر على اخباري واعترف انه تزوج لحتى ينساني فيها ولسا ما عنده اطفال.... رح اتابع الحلم هو بس شافني عم بتفرج من الشباك حاول يخفي حاله لكن ما قدر ودخل على العمرة ..قال امه ساكنة بالطابق اللي تحتنا ... اجيت انا نزلت وبدون ما احكي مع اي حدا اخدت الطفلة وحبيتها من كل قلبي كيّفت عليها وانبسطت فيها وطلعت فيها على بيتي .. ضلت بحضني ألعبها وأطعميها وأحضنها تعلّقت فيها... هو طلع مشان ياخد بنته مني كنت تاركة باب البيت فاتح ..شافني كيف عم بلعبها فات وقعد على الكنباي قدامي وحط ايده ع خده وكان وجهه كتير مهموم وما بتحاكى متل اللي بتحسّر... ما حكيت معه اي اشي بس خطرلي اسأله وين ام الطفلة بس حكيت خلص ما دخلني ... بعدها اجت طلعت علي ام عبدالرحمن ودخلت وهو لساته قاعد على نفس قعدته صارت تحكي معي واحكي معها ..وصرت احكيلها خالتو انت متل ماما بتصرفاتك وحركاتك هاي .. كانت صابغة شعرها اشقر ومنكوش وقصير لأكتافها... بعدها صارت تتطلع علي وعلى الطفلة وعلى ابنها وحكتلي يا ريت امها بتهتم فيها وبتسأل عنها زي ما انت عم تهتمي فيها