امرأة تلبس عباءة سوداء في المنام

حلمت في حرمه لابسه عباية سوداء على الراس حلمت فيها حلمين و صحبتي حلمت فيها مره وانا كنت موجوده فيه الحلم الاول كانت ماسكتني من معصمي و تسحبني معها وتقول انها امي لما شفت وجهها مو امي قلت لها انتي مو امي قعدت على ركبتها قدامي وتبكي تقول انا امك كررتها اكثر من مره الحلم الثاني (كانت الحرمه فيه بكماء) كنا انا واهلي قاعدين بالصاله و كانت هي نفسها بس مع بيبي دخلت بيتنا و راحت لغرفة امي و قفلت على نفسها وامي خذتنا انا واخواني وحطتنا بغرفتي وقفلنا الباب قالت امي لحد يفتح لها الباب جت الحرمه دقت الباب وانا لا ارادياً قمت فتحت لها الباب مسكتني من ايدي و كانت تطالع في امي كانو كانت تبي تحرقها وخذتني معها الحرمه للغرفه وعطتني ولدها الرضيع وخلتني امسكه وكانت مستانسه مره و كانها تشوف عيالها مجتمعين الحلم الثالث الي حلمته صديقتي كنا انا وهي ووحده معنا في السياره وكنا بمكان مهجور ونبكي فجاه الا دقت القزاز وقالت وش جابكم هنا ردت صديقتي ما ندري فجاه صرنا هنا قالت لها ساعدينا قالت الحرمه م اقدر اساعدكم بس بساعد هذي"اشرت علي" وخذتني معها وبس للمعلوميه انا بنت