حلمت أني ألبس لباس المستشفى

السلام عليكم حلمت حلمين مختلفين والاتنين كانوا بعد صلاة الفجر من عدة ايام اولهم اني في المستشفى والبس لبس المستشفى و باتكلم مع الاستقبال اني عايزه امشي وهما رافضين تماما و بعدها والدي جه ومعاه كيس ادوية واتكلم معاهم و قالي خلاص شويه وهنطلع اهدي بس وكنت على سرير المستشفى وقتها. لحلم التاني حلمت اني بجري في المستشفى عشان قالولي اخويا تعبان واول ما وصلت لقيته في غرفه فيها اكتر من سرير كلها فاضيه مافيش الا هو و شوفته كان سليم مكنش فيه حاجه بقوله مالك قالي مافيش بيقولولي اني تعبان شويه بس انا سليم اهه وضحك هديت وقعدنا لقيت هدومه في دولاب قدام السرير شويه والدكتور جه قالي روحي انتي هاتي شنطه و هدوم وشمسيه عشان هتمطر وانتبهي هتمطر جامد وكررها كذا مره وهو بيقول الكلام دا لقيت السرير الي جنب اخويا عليه زوجة عمي و بتبصلنا بصه وحشه ومرعبه جدا ما اتكلمناش معاها وهي ما اتكلمتش كانت بتبص وكأنها عايزه تأذينا وشديت الستاره على اخويا وقولتله هجيب الحاجه واجي على طول وقعدت اكرر الكلام الي الدكتور قاله نزلت باعدي الطريق لقيت صديقتي وزوجها وبنتها المولوده في الجزيره الي في نص الطريق وكأن في احتفال في المكان دا المهم سلمت عليها و قعدنا نتكلم بتقولي رايحه فين قولتلها هجيب حاحات من البيت اخويا في المستشفى وهجيب حاحات عشان يروح معايا قالتلي هتمشي بالكوتشي فرده وفرده و اتفاجأت بالكوتشي فرديتن مختلفتين والاتنين اول مره اشوفهم واحده بيضا والتانيه اوف وايت وحساها واسعه شويه عليا المهم مشينا اجيب كوتشي تاني والمكان كان زحمة وبس كده الحلم خلص انا عزباء اخويا في الجامعه صديقتي متزوجه ومعها طفله مرات عمي ارمله وللاسف بتبين انها بتحبنا لكن هي مش كده نهائي الحمد لله انا واهلي ملتزمين بالصلاة والصيام وبعض سنن العبادات وصديقتي امس حلمت اني بخطب فيهم خطبة اسلاميه في مكان واسع و بعدها اقمت بيهم الصلاه