حلمت اني امشي في مكان فاضي والارض صلبة

حلمت اني امشي في مكان فاضي والارض صلبه وحتى ما لبست نعال (اكرمك الله ) وصلت لجدار فيه باب مسكر حاولت افتحه لقيته مقفل جلست اناظر وش وراء الباب مع قفل الباب ( فتحت قفل الباب كبيره كنها الابواب قديما اللي مفتاحها كبير وحديد طويل ) اتمنى انك عرفت شكله شفت وراء الباب ما يسر الناظرين حديقة كبيره وخضراء والثيل ياصل نص الرجال وشفت امي وابوي ماسكين يدين بعض ويتمشون في وسط الثيل انا شفت مع ظهورهم وعرفتهم بس اشكالهم صغيرين اقصد شباب ولبسهم ساتر زي لبسهم في الدنيا وشفت قصر ابيض كبير ( القصر مهوب مدهون صبغه بيضاء لا بس هو ابيض ممكن احجار بيضاء والله ما ادري كيف ) بس حلو مره جلست اطق الباب واصارخ لاهلي علشان يفتحون لي الباب وفجأة يجي عندي زي الرجل مهوب كبير كنه مراهق ما اعرفه وقالي مايسمعونك هذا هم طيبين وبخير وبفضل من ربي علشان تطمنين عليهم قلت الحمدلله رب العالمين وبعدين سئلت عن القصر او البيت الكبير من هو له عساه لهم قال لي لا لك انتي وهم يتنعمون فيه لين تجينهم وانتهاء الحلم فجأة متزوجه ولدي ابناء موظفة وعمري ٣٩ وقته بعد الفجر