حلمت أن بلاط المطبخ انشق وخرج منه الماء

انا متزوجه من اربع سنين وعندي ولد قبل سنتين سكنت ببيت وهاد البيت اول ما دخلت عليه صارت معي مشاكل مع اهل زوجي ومع زوجي مع انه ما عمري صارت معنا من قبل ومش مرتاحه فيه وصرنا نتمشكل على اسباب تافه بحلم بالبيت حلمت قبل فتره انو بلاط المطبخ انشق طلع منه ميه كانت الميه قويه مثل بركان وهي خلت البلاط يتكسر كانت الميه بتخوف وبعدها بفتره حلمت انه صار التماس كهرباء بالليل وسمعنا اصوات كهرباء بالبيت وطلع جوزي يجيبلها حدا يشوفها وبس طلع صارت الاصوات اكثر وخفت تنفجر وحملت ابني واخذت اسواره الي وطلعت من البيت وبعدها انحرق وحلمت كمان اني عملت بوظه وبدي احطهم بكاسات وطلعت الكاسات اللي (شربت منهم بعرسي انا وزوجي ) واجيت بدي اغسلهم الكاسه نظيفه بس لما صبيت فيها ميه عشان اغسلها صار يطلع منها مثل تراب ابيض او طحين مش عارف وكبيته ورجعت اغسلها مره تانيه بشوفها نظيفه بس اصب الميه بالقاع بيصير متل تراب وطلع قرفه عيدان وبعدين صار متل كيس نايلون فيه تراب ابيض وعيدان قرفه متل حجاب وبالحلم قال انه حدا عامل حجاب الي ولزوجي وانا حاليا ما بعرف كيف احكيلك بتخيل اشياء بالبيت ومش مرتاحه فيه بعتذر ع الاطاله