ماذا يعني جذع النخلة المقطوع في المنام

حلمت اني في شقتي وبتصل بوالدي علي الموبايل فذهبت لبلكونة شقتي وفتحت باب البلكونة حتى اتكلم مع والدي في الموبايل عشان يجي ياخدني وكل ما يقولي انا في المكان الفلاني الصوت يروح ومسمعش وكنت بقول لنفسي اخاف ليه مهو عرف موضوع الشقة وبعد ما فتحت باب البلكونة لقيت رمل اصفر مبلل بالماء وكان كميه كتيرة وجنبه علي ارضيه البلكونة جذعين نخلة صغيرين مقطوعين (جذع النخله وليس الفروع .. اللي رأيته جذعين صغيرين للنخله علي ارض البلكونة) الرمل وجذع النخله معرفش مين جابهم في البلكونة ولكني لم اهتم اعرف مين جابهم هنا وشفتهم مهتمتش ونزلت الشارع استنا والدي يجي ياخدني لقيت جنبي بنت جميله محجبة وجهها ابيض وفجأة وقعت علي الارض فقولتلها انتي كويسه قالتلي انا تعبانه وقولتلها استني معايا نوصلك لبيتك وكنت قلقانة بابا يرفض وبعدها لقيتنا ماشيين عادي ومامتها جاتلها وكانت مش محجبة وجميله وقالتلي انا شغاله في الاعداد مع منى الشاذلي(مذيعة في التلفزيون) والمهنة دي مش بعيده عن مهنتي ومش فاكرة اذا كان بابا جه في الحلم ياخدنا ولا لا... انا عزباء وامتلك شقة قلقانه عليها من النصب وطلعت زكاة وصدقة ودعيت ربنا يحميني من شر الناس ويارب تكون الحلم ده بشارة .. لان وقت وفاة امي اضطريت اشتري شقة وخالي وخالتي علي علم بالشقة لكن والدي لا يعرف لان ليه سابقتين معانا في الاستيلاء علي املاكنا وحلمت قبل كده انه طلب اغليله لبن واللبن فسد وانا بغليه ومعرفش هل ماله حلال وموضوع اني مقولتش علي موضوع الشقه خوفا منه ومن الاعيبه مسببلي قلق ومشاكل معاه ايضا وخايفة اصارحه بموضوع الشقة لانه شخصيته صعبه وممكن يضربني ومحدش من اهلي هيقف جنبي انا مش قادره اديله امان ابدا خصوصا يوم وفاة امي كان فرحان في موتها ومكنتش هتعامل معاه تاني لولا اني خفت ربنا يحاسبني علي صله الرحم لكني مش مسمحاه ابدا ومش عارفه احل المشكلة واسفة جدا للاطاله ونفسي تبشريني الفتن والقلق اللي علي شقتي مش هيكون موجود وهرتاح واسفة جدا للأطاله ابويا بيعاملني علي اني انثي حضرتك حاولي تفهمي وانا محافظة علي نفسي انا نفسيتي زي الزفت والعلاقه اتجرحت جدا ويارب تبشريني بالتفسير انا قلقانه جدا من بابا واني اصارحه لان من طبعه الغدر و راجل مادي جدا وممكن يإذيني في الشقة هو بيمشي في طرق غير مشروعة