حلمت بملابس مبعثرة داخل المنزل

السلام عليكم ورحمة الله وبركاته. شكراا لتفاعلكم بهذا المكان وان شاءالله يكون تفسيركم للاحلام صحيح يعطيكم العافيه اخواتي/ اخواني. بنت عم زوجي حلمت فيني مرتين وابغا اعرف تفسير الاحلام ضروري. الحلم الاول تقول ( اول مرا حلمت فيك كنا في بيت كبير زي الفله صالونه كبير كنا انا وبنات عمي نساعدك في الشنط وانا اقولك اشبك متضايقه قلتي ولاشي مدري بشوف سلام نزل زوجك من غرفة النوم وكان صباح معصب عشان ماسويتي الفطور والغرفه كلها ملابس مبعثره انتي اتضايقي وزوجك راح الدوام وانا جيت الصاله واقولك ليه زعلانه مشاءالله بيتك مرا حلو ولفيت شفت غرفت مرا كلها ملابس فوق السرير ومرميه على الارض وقلت في نفسي عادي طبيعي لانها دوبها نقلت من بيتها ودخلنا انا ونتي مجلس مراا حلو في ورق جدران وكنب بنك مرا فخم وبس وكان وجهك مره تعبان وباين عليك الزعل ). ثاني حلم ( كنا انا واخوات زوجك في بيتك في المجلس الكبير مافيه اثاث وكانت فيه شنط نرتبها وكنا نتكلم ونضحك وانا اقولك حرام تسيبي البيت ذا مرا حلو ووسيع انتي خرجتي واخت زوجك تقول لي احسن عشان نأجره ونستفيد وهما يطلعو فوق الشقه الصغيره انا جيت وراك كنتي في المطبخ وانتي مرا تعبانه وزعلانه تقولي خلاص تعبت من دا البيت كل مانصلح شي يخرب شي شوفي كيف الجدران انا لفيت وجهي لقيت الجدران منتفخه وبعضها فيها موويه وبعضها مقشره مرا شكلها يخوف قولتلك خلاص يمكن ترتاحي في البيت الجديد الي هيا الشقق الي فوق بيت عمي قولتيلي ادعيلي والله انا طفشت مرا ( تدري وجهك في الحلمين ماكان عادي ). )بحكيكم علاقتي مع اهل زوجي كويسه ويحبوني جدا حتى اخواته وانا لي سنتين لم انجب اطفال < وبالحقيقه انا كنت افكر وكلمت زوجي اننا ننقل البيت الصغير الي فوق ولاكن لسا ما خلصنا البنيان فيه وما علمنا احد ابدا وللحين ما علمت احد ابغا اعرف التفسير ويعطيكم العافيه.