حلمت أني أسافر بالسيارة مع عائلتي

سلام عليكم .. حلمتإن أنا وبعض من أهلي وعايلتي .. جالسين في السيارة نسافر أو نروح لمكان بس ماادري وين بالضبط .. وبالسيارة معانا شخصين تقربباً ما أعرفهم ما أدري مين هما .. المهم .. كل أهلي اللي معاية بالسيارة فرحانين ومستانسين غيري أنا حزينة ما أبغى أروح معاهم .. لأنهم قاعدين يعرون جزء من أجسامهم ويرونها لبعض .. فــأنا أقول لهم حرام الشيء اللي تسوونه ومحد يسمع كلامي أكون حزينة جداً ما ايغى اروح معاهم .. والشخصين اللي مع أهلي مرة يكونوا فرحانين ومتحمسين لأنهم يبغون يشوفون اجسام اهلي ..طبعاً غيري أنا ماوريتهم ولا قالوا لي ورينا انا بس قاعدة انصحهم-وبعدين كأننا وصلنا لمكان ووقفت السيارة .. ونزلنا خلاص ..- وأنا خلاص صبري نفذ ماقدرت أتحمل .. قعدت أبكي وأصرخ وقعدت أنادي واحد من أخواني هو ماكان معانا في السيارة ...-قعدت أناديه وأقول يا أنس يا أنس تعال شوف ايش قاعدين يسوون وقبل ما أناديه أهلي واللي كانوا مع أهلي يهددوني إني ما أنادي أخوي ..وفجأة لمن ناديت أخوي ظهر قدامي مدري من وين جاء .. وسمع كلامي وهو كمان كان حزين وأختفى فجأة ..-بعدين فجأة كأني شفت صاحب أخوي .. أسمه هاني ..-وأقول ياهاني يا هاني تعال شوف ايش قاعدين يسوون .. والله حرام تعال انقذني خذني من عندهم خذني معاك .. وقلت له كمان .. أي مكان تروح عادي أهم شيء تبعدني عنهم .. وفجأة أمي قالت لي .. تبغي تروحي من رجال .. قلت لها اهم شيء تبعدني عن ذا المكان ... -وفجأة كذا كأني واقفة في مطبخ أبغى اطبخ لي بطاطس .. وقاعدة ادور على قدر لطبخ البطاطس ما ألقى شي مناسب .. واخذت قدر ،،، وحطيت فوقه قدر ثاني اصغر شوي ... وحطيت بالقدر الصغير موية .. وفوق الموية زيت .. وحطيت عليهم البطاطس .. وطلع صوت ودوشة .. وفجأة جاء واحد من اخواني اللي كان معانا بالسيارة .. واشوف البطاس يتقلب من نفسه كأنه في احد يقلب بالمغرفة ،، بس مافي احدأنا أخاف وأقول أخوية شوف البطاطس قاعد يتقلب من نفسه .. يقول لي أحسن مين قال لك تتكلمي على الجن هم اللي يقلبون البطاطس .. علما. اني ماتكلمت عليهم .. بس اخوي يقول لي كذا ..---------عزباءء وابلغ من العمر 18 عاماً