حلمت أن ثلاث كلاب عضو يدي

السلام عليكم،انا عمري ١٧ سنه و بحب بنت و في بيني و بينها علاقه و انا جاد بالموضوع لكن الحمدلله ما صار بينا اي شي يتعدى حدود الله عز و جل.الحلم طويل الحلم اني كنت معاها ب سطح بيتها و كان عندهم زي ديوانيه و هي نزلت قبلي و انا بعديها ب فتره نزلت، انا و نازل شفت ظل ل ٣ كلاب ف مسكوني و عضوا ايدي الثنين و كنت افضل انهم يعضوني على ايدي لانها المنطقه الوحيده الي ما احس بالم فيها "بالحلم يعني"بعدها استيقظت من النوم و انا اكلم البنت عالتلفون و انا نازل من نفس المكان "السطح" كنت قاعد اقللها على حلمي و هذي المره شفت ٤ كلاب و ال ٤ عضوني من يدي اليمين و هم قاعدين يعضوني كانت معي عالخط و قلتلها تخيلي انه الحلم صار حقيقه. "كل ذا و انا لسا بالحلم"بعدها استيقظت من النوم مرا ثانيه و نزلت من نفس المكان و رحت الشارع و انا اتمشا شفت قدامي ٣ كلاب ، ٢ منهم مربوطين ب اسلاك و واحد متحرر. ف رجعت اهرب منهم قام لقيت واحد على يميني و واحد قدامي قاعد يركض و كل ذا و البنت معي عالخط و قدرت اهرب من الكلاب و رحت البيت مرا ثانيه."البنت ما شاء الله عايشه بوضع مادي ممتاز و انا وضع ابوي المادي سيء جدا"اول موصلت عالبيت كان الوالد و الوالده و اخواني انتقلوا للعيش ببيت البنت "الي هو فيلا كبيره بالواقع" و الوالد كان قالي انسى عيلتك القديمه هذي عيلتك الجديده. "الوالده بالحلم ما كان عاجبها الوضع"اول مدخلت البيت استقبلتني وحده المفروض انها جدتي لكن شكلها مختلف عن الحقيقه و كان شعرها لونه احمر "و هذا لون شعر الوالده الحالي صابغيته احمر"جدتي و الله اعلم الي فهمته من الحلم انها كانت ام الوالد. على اي حال كلمتني و قالتلي شكلك زعلان و في شي تبي تقوله ف قلتلها ما يمديني اقوله و قالتلي لا عادي تقدر تثق في. بعديها عيطت و قالت لي انها زعلانه انه لنا فتره معاها بنفس البيت لكن ما بتشوفنيش. بعديها جابت اوراق تصحح على اساس انها مدرسه "و هذا عمل جدي ابو الوالد بالواقع هو مدرس"و قعدت اتصحح الاوراق عالطاوله و قالتلي صارحني ف قلتلها اني بحب و قالتلي لاي درجه ف قلتلها لدرجه انه لو اهلي زعلوا مني مش حتركها و لو حتأثر على دراستي مش حتركها ف قالتلي ايش لو أثرت على صلاتك ؟! قلتلها لا دراستي قالتلي صلاتك؟! قلتلها لا لكن مو حسمحلها اتأثر على صلاتي و حدعوها للصلاه مهما كلفني الامر "بالمنسبه انا مقصر جدا بالصلاه و ما بصلي" المهم قلتلها البنت الي بحبها من العيله بعدها ابوي دخل البيت و كان معاه حلويات لصغار العيله و بعدها جدتي الي بالحلم راحت فتحت باب البيت و استقبلت عدد مبير حدا من الزوار و كانوا جميعهم لابسين اسود كأنهم جايين يعزوا.و همه داخلين ميزت شخص واحد منهم و هو زميل ليه بالمدرسه لكن علاقتي في مو قويه المهم سلم علي و قالي عظم الله اجركم و خلص الحلم و استيقظت من النوم.بالله محتاج تفسير للحلم، و بالمناسبه قبل كدا حلمت بوالده البنت و والد البنت.