حلمت أني أسأل جارتي عن ابنتها

مرحبا ..حلمت ان جارتنا ام صديقتي في الواقع كانت جالسه تتكلم معايه وكنت اسالها عن اخبار بنتها صديقتي وقالت لي تدرس طب وقلت ماخلصت قالت لا باقي لها 8 سنوت وترجع من امريكا .بعدين انا قلت لها فعلا بنتك هذي كانت خلوقه جدااا محبوبه وسالتها عن اخبار بناتها الثانيات .بعدين قالت لي انتي مودبه وخلوقه جدااا ابغى اخطبك لابو فهد انا مشيت الموضوع ما طالعت فيها استحيت ورجعت قالت الموضوع وقلت من ابو فهد قالت اخوي او ولد اختي وزوجته متوفيه .وماقلت شي قلت كلمي اهلي .بعدين اشوف في الشارع معرض سيارات يحترق والسيارات تنفجر وتتساقط بره المعرض ولما انتهى دخلنا المعرض انا وناس ثانين كان اطفال احترقت اجسامهمويصيحوا وقلت اش جاب الاطفال هنا قالوا كان في جزء مخصص لرعايه الاطفال .ورحت اتجول في انحاء المعرض كانه صار مدرستي الابتدايه زمان وكنت جدا فرحانه اتذكر ذكرياتي زمان والبنات يقولوا شكلها درست هنا .بعدين اشوف اخوي ناداني من بره المدرسه وخرجت اعطاني مجموعه كثيرة من المفاتيح مادري اش قال لي ودخلت كان في معلمه صاحبتي قلت لها اخوي اعطاني المفاتيح وخرجت معاي بره تبغى تشوف اخوي ووريتها اخوي قلت الله جميل مره واعجبت فيه وقلت لها انا انه اخوي اصحابه الشيوخ المعروفين وقلت لها كم اسم واعجبت في اخوي جدااا.واخوي قال من هذي قلت هذي ابله سهام صديقتي وضحك وقلت انا لابله سهام يضحك لانه تذكر اسم اختي زي اسمك .انتهى انا عزبا واخوي انا وهو مقاطعين بعض من سنين وهو اعزب ايضا وجارتنا في الواقع فعلا بنتها صديقتي مسافرة تدرس وهم كانوا جيران لنا في بيتنا القديم .وماعندي صديقه اسمها ابله سهام وعندي اخت اسمها سهام فعلا .