حلمت أن عباءتي تمزقت

مرحبا ،حلمت اننا كنّا معزومين بيت ناس نعرفهم في الواقع ، وكان معايه امي واخواتي وكنت شايله اختي الصغيره ومهتمه جدا فيها اوديها الحمام وأغير لها واسوي لها الحليب ، المهم تعشينا عندهم وابوي نادى قال يالله نمشي واشوف ولدهم كان قاعد يغني ويطالعني ولفتني صوته ،وجابوا العبايات ولبست عبايتي كانت جديده وقماشه. مره حلو ولبست غطوتي والحريم راعين البيت كانوا يطالعوا فيني وقلت العبايه ماسكه فيني عشان لبسته فوق بلوزه سميكة وفصخت العبايه والبلوزة وكنت لابسه تيشرت عريان تحته وخليته ورجعت لبست العبايه وارتحت والحريم كانوا يطالعوني ، بعدين شفت فيل جاي من غرفه كذا يبغى يلحقني وخفت ورحت سريع دخلت غرفه من غرفهم وسكَّرت علي الباب وشوي مشى الفيل خرجت وخلاص امي واخواتي لبسوا عبائتهم وجئنا نخرج اختي الصغيره قالت أبغى الحمام قلت اوه كل مره انا أوديك تعبت مافي غيري وودتها اختي ، بعدين مسكت شنطتي كل اكسسواراتي الي كنت لابسته في الشنطه وكان في كم حبه من اقراط الإذن وكان معاي كيس كبير داخله شيبسات وحلويات وبعدين اشوف ولدهم الكبير الي كنّا عندهم ينادي ابوي يقول له يالله ياعم وابوي قال ماشالله الولد خلوق جدا ومؤدب ورحنا بيتنا ،انتهى عزبا