حلمت أني زعلانة من زوجي في منامي

انا مطلقه بعد جواز خمس سنين واتطلقت وانا عذراء الحلم كان بعد العشاء اول ليليه في رمضان وانا لسه ماكنتش صليت العشاء والتراويح الحلم :- حلمت اني مضيقه من جوزي واهله جدا وكنت جايبه اخري واهله كلموني علشان نتعشى مع بعض ولما وصلت تحت البيت كانوا همه بيتعاملوا معايا بقله ذوق جدااا فانا ركبت العربيه ومشيت من غير ماقول لاحد اي كلمه وقولت جوه نفسي انا مش هتنازل تاني ولا هعمل حساب لاي حد سواء اهل جوزي او جوزي وكنت راكبه العربيه وانا ماشيه وعارفه ان كدا خلاص كل حاجه مابيني ومابين جوزي اتقفلت ومش هينفع نعيش تاني مع بعض وانا ماشيه بالعربيه العرييه كانت ضلمه قوووي وانا مش شايفه حاجه قدامي وعيني مش عارفه تفتح خالص وخايفه اعمىل حادثه بس الحمد الله حاولت كزا مره لحد مابقيت بشيل الستاير اللي على ازاز العربيه وبقت الرؤيه واضحه والعربيه كانت بتمشي مني يمبن وشمال والحمد الله عرفت اسيطر عليها ومشبت بسرعه علشان اسافر بالعربيه لاهلي في مصر لحد ماوصلت لمكان كدا عامل زي الاسطوانه المفروض اركن العربيه واتزحلق في الاسطوانه دي علشان انزل في مصر ولما عملت كدا لقتني دخلت اسطوانه غلط ونزلت في ليبيا وقبلت راجل سواق في اخر الاربعينات هناك وقلي مش مشكله انا معايا عربيه ( نص نقل كبيره ) انا هوصلك لعربيتك تخديها وتنزلي في الاسطوانه اللي هتوديني مصر لاهلي انا جوايا قلت الحمد الله بس عارفه ان قدامي مشوار طويل قوي وممكن مايبقاش سهل