حلمت أني ركبت باص لونه أبيض

لو سمحتي عايزه افسر حلم ليا حلمت اني راكبه ميكروباص ابيض و كنا ماشين علي كوبري و انا كنت خايفه انزل في مكان معرفوش و لما طلبت انزل جبه السواق قالي لا و ابتسم و قالي هنزلك في مكان انتي عارفه و نزلني قدام جامع و لما نزلت كنت مبسوطه لاني عارفه المكان بعدها قابلت حد اعرفو ولما شوفتو جيت قلت ليه انا تعبت و هبعد جيه مسك ايدي و قالي لا متسبنيش خليكي معايا و بعدها ركبت معاه عربيه بيضاء من غير سقف زي العربيات الكلاسيك وهو سايق حلو بسرعه شويه بس انا مرتاحه لسواقتو بعدها وداني لمحل دخلت لقيت بنتين طلبت منهم انهم يعملو ليا حذاء للولد دا لونو ازرق زي الچينز و فكرتهم بيا اني جيت و عملت جزمه سودا ليا بعدها رجعت ركبت معاه و طلعت علي غابه و كأننا بالليل في الاول استغربت بعدها ببص ناحيه اليمين لقيت صحبتي لابسه فستان ابيض و انا جريت ناحيتها اساعدها تلبس طرحتها و كل ما يقرب حد ازعق و ارفض انا بس اللي عايزه اساعدها تلبس طرحتها و هي بتبتسم بعدها شديتها من ايديها و كان في اكل كتير في الارض و قلت ليها كل دا اكل علشان الفرح و كان الشخص اللي اعرفو ساند علي العربيه و مبتسم ليا